陳煒冇劇播無緣入圍萬千星輝頒獎禮 睇好佘詩曼攞獎：晚晚追
撰文：張祖銘
出版：更新：
陳煒今日（12日）現身將軍澳電視城出席《非份之罪》造型活動，她接受《香港01》 大時大談新劇角色：「呢一套新劇集中嘅其中一個單元是《一億殺機》，整個系列都係揭示人性嘅陰謀，故事都係真人真事改編，《一億殺機》就是名副其實為咗一億而去殺人嘅一個案件，20年前的我係一位智障人士嘅護理師，我會照顧飾演劇中的八歲老公徐榮，佢係一個智障八歲嘅成年人。」她笑言徐榮曾經多次演繹智障的角色，所以對方來說不太艱難。
陳煒今日（12日）現身將軍澳電視城出席《非份之罪》造型活動。（梁碧玲攝）
陳煒曾與徐榮探訪視障人士取經
被問到角色會否有新突破，她表示：「之前我都好開心同徐榮去咗一啲視障嘅院社裏面去探訪吓，同埋啲院友去聆聽，去了解同埋熟悉佢哋，有呢一個體驗，戲裏面每個角色都有好大挑戰好大難度，咁和善嘅造型點樣去做到咁樣嘅陰暗面出嚟，所以好考演技！」
陳煒會照顧飾演劇中的八歲老公徐榮，因為對方是一個智障八歲嘅成年人。（梁碧玲攝）
講到今年沒有推出新劇作品，會否可惜沒辦法得到萬千頒獎頒獎典禮提名資格，她說：「唔可惜，我哋寄望將來明年好快，就會有新劇播。」被問到看好哪一位能夠奪得視后，她表示：「當然Man姐（佘詩曼），我自己都有晚晚追。」
陳煒睇好佘詩曼攞獎。（梁碧玲攝）
《新聞女王》大受歡迎。（《新聞女王》微博圖片）