鍾嘉欣曬凍齡美貌無人母老態　海邊倚欄杆影靚相驚現一樣嘢極污糟

藝人鍾嘉欣（Linda）2015年嫁脊醫Jeremy Leung，結婚8年誕兩女一子，移居加拿大過悠閒生活。鍾嘉欣淡出幕前多年美貌如昔，近照曝光竟撞樣《愛·回家之開心速遞》「二太」蘇恩磁後生索爆樣，相當靚女。

近日鍾嘉欣再分享多張靚相益網友，鍾嘉欣身處海濱長廊，穿上長外套在戶外影靚相，靠住欄杆，神情放鬆。鍾嘉欣發文稱要放鬆步調享受慢活：「Slow down and enjoy life. 」不過有網民就留意到鍾嘉欣靠着的欄杆布滿白色印，疑似為雀鳥糞便，鍾嘉欣將手臂及背脊靠在爛杆上影相，有人表示都頗為污糟。