何依婷偕老公峇里返港 透露婚禮細節未習慣被叫林太
撰文：鄺鈺瑩
出版：更新：
剛喺峇里舉行婚禮嘅何依婷，今晚（20日）同老公一齊返到香港，二人步出接機大堂時企定定讓傳媒拍照，不過林生可能仲未習慣面對鏡頭，影到一半要拎紙巾出嚟抹汗。
新婚嘅何依婷同老公由峇里返港，不過佢話仲未習慣被叫林太。（陳順禎攝）
面對傳媒，林生似乎有點緊張，要攞紙巾抹汗。（陳順禎攝）
何依婷接受訪問時表示籌備數月嘅計劃終於完成，所以感覺十分開心。「發表誓詞時都有感動落淚。（除咗愛你一生一世之外，有無話畀晒啲錢你？）又唔使，我自己都有能力搵錢。」她又透露除傳統接新娘、玩新郎、斟酒儀式外，二人在婚宴上亦有跳舞，何依婷笑說：「因為我真係好想跳，所以佢陪我去上咗幾堂。另外我買咗啲有假Pat嘅孖煙囪，要佢哋唔准用手，就咁扭住著，我諗㗎，因為覺得拍片出嚟會好得意。」何依婷又透露老公仍未習慣面對鏡頭，所以二人早前在巴黎拍婚照時，除了需要攝影師教學之外、自己亦花了不少時間揀相。
講到生B計劃，何依婷表示順其自然，但暫時都想以工作為先。（陳順禎攝）
何依婷與老公的無名指上都戴著婚戒。
由於聽日已經要開工，所以暫未有渡蜜月，但有在峇里與朋友出海。「我同佢都成日去旅行，之後如果夾到可以再去。」
何依婷平時會叫老公做Mr Bear，因為bear充滿安全感。（陳順禎攝）