公司冇逼我跑馬拉松｜保錡妙談阿神甩骹：貧窮限制醫療態度
撰文：鄺鈺瑩
出版：更新：
《公司冇逼我跑馬拉松》今日(10日)舉行記者會，吳保錡（保錡)、曾贊學（阿神）、李炘頤（Alina）、蔡寶欣（Pony）和米露迪（Melody)齊齊現身，分享成為馬拉松比賽選手背後的辛酸，以及節目背後的難忘事及感受。
《公司冇逼我跑馬拉松》記者會上，保錡表示節目不會刪除柳俊江部分。（陳順禎攝）
阿神因cast《季前賽》時甩骹，其後又怕影響工作，一直帶傷上陣拍《繩角》，搞到一舉手就「閃電痛」，又自嘲不舉。保錡由於唔知阿神傷勢，一直以為他搵藉口唔跑步，直到二人大吵後，保錡除了介紹醫生俾好兄弟之外，仲出埋錢幫手，非常唔話得。「貧窮限制醫療態度，即係廉價嘅醫生病向錢中醫，貧窮會令人醫唔好個病，而且要搵啱一個人去醫自己係個緣分。」
阿神受傷後，保錡出錢出力幫對方治療。（陳順禎攝）
講到節目難忘畫面，阿神表示有一次他到保錡酒店房浸浴，由於跑完馬拉松之後會出現腹肌，所以保錡當時只以浴巾遮重要部位，並要求阿神為他拍照。 保錡即時反擊表示阿神沖涼個多小時，原因對方當作浸溫泉一樣，又笑他「貧窮限制浸浴」。