陳美濤大爆亞視今年重辦香港區亞姐競選：希望可提高獎品獎金
撰文：吳子生
出版：更新：
前亞姐陳美濤今日（19/2）現身尖沙咀出席《新春卡通展派對》。陳美濤受訪時大爆亞視有意在今年重辦香港區亞洲小姐競選：「因為呢兩年都冇選過亞姐，變咗佢哋有計劃今年再搞返，而佢哋都有聯絡我，希望我可以幫佢哋一齊合作，因為通常都係搵返係亞姐出身嘅亞姐嚟幫手。見到佢哋舉辦返亞姐選美比賽，我作為亞姐，見到咁又真係好開心。始終自己係亞姐出身，無論去到邊，啲人都話你係喺亞姐度出身，總好過啲人話你係末代亞姐。喺選美方面，我都有鼓勵緊佢哋，希望可以提高獎品獎金，吸引更加多有質素嘅人嚟參加，令呢個選美比賽有更好嘅突破。」
陳美濤今日出席活動。（葉志明攝）
陳美濤希望亞視可以提高獎金獎品，吸引更加多人來參加亞姐選美比賽。（葉志明攝）