中年好聲音2｜林若盈晉身十強否認有後台撐腰：本身我唔識添Sir

成功晉身10強參賽者林若盈今日（27/2）現身將軍澳電視城出席無綫歌唱真人騷《中年好聲音2》宣傳造勢活動。提到她險勝一直視為大熱的鄭梓浩及陳燕娜打入10強，惹起不少網民不滿，直指她不應該晉級，認為她唱得比淘汰的兩位還要差，更質疑有「後台」撐腰：「好似係添sir（張佳添）學生」。

林若盈接受《香港01》訪問時表示：「其實我聽到呢個傳聞我都覺得好驚訝，我真係唔係添sir嘅學生，本身我係唔識添sir ，私底下亦唔認識。（參加比賽之後，私底下有冇食過飯見過面？）完全冇，有呢個傳聞我係覺得好驚訝。（擔唔擔傳聞影響你成績？）我冇諗咁多，我淨係想將每一次嘅表現做到最好。（負評有冇令你唔開心？）你話完全冇唔開心，又或者唔介意呢，又唔係嘅。但我又冇話去到好委屈想喊，可能因為我慣咗，無論發生咩事都會用幽默去化解，咁所以佢哋成日都笑我今日有『慘』賣，又有生果賣，當賣得夠多，啲人就會差唔多。（你賣得最多係咩生果？）佢哋話我賣得最多係橙，哈哈！」