傳今年內會與女友陳欣妍拉埋天窗 沈震軒回應：我認定咗係就係
撰文：關穎賢
出版：更新：
慧妍雅集適逢42周年，今日（28日）於中環街市舉行記者招待會宣布於3月16 日晚香港麗晶酒店舉行《慧妍雅集42週年慈善晚會 2024》，而現身活動的包括有李潔瑩、黎諾懿、沈震軒、戚黛黛、邵珮詩、張名雅、王殷廷、梁超怡、陳懿德、關楓馨、彭慧中等。
《慧妍雅集42週年慈善晚會 2024》。（梁碧玲攝）
今次以健身室贊助方身分出席活動的沈震軒接受訪問時，表示好開心能操fit一眾慧妍雅集會員。問到女士健身鍛鍊那個部位最好，沈震軒指大部分女士都喜歡鍛鍊臀部，令整體線條看起上來更吸引，尤其現時很多女性都喜歡穿貼身衣物及瑜伽褲，個人認為有自信，看起來就很美。
沈震軒以健身室贊助方身分出席活動。（梁碧玲攝）
至於問到有傳今年將與女友陳欣妍拉埋天窗，沈震軒笑言：「都唔知點解成日會傳咗呢個出嚟，快㗎喇。（有計劃？）其實我好老土，我係一個幾傳統嘅男人嚟，我認定咗係就係，但當然我唔可以喺鏡頭前迫人應承㗎嘛，所以都要有個surprise同好sweet嘅方式，到時話俾大家聽。」
沈震軒表示認定了陳欣妍。（梁碧玲攝）