周吉佩箍牙兩星期苦不堪言想放棄：講嘢同唱歌成塊面都好痛
撰文：吳子生
出版：更新：
周吉佩（吉吉）今日（2/3）現身將軍澳出席《白色情人簽名會》，吸引過百粉絲潮聖，吉吉更即場同粉絲大玩遊戲，氹得一眾粉絲興奮尖叫，現場氣氛高漲。
周吉佩（吉吉）今日（2/3）現身將軍澳出席《白色情人簽名會》，吸引過百粉絲潮聖。（吳子生攝）
周吉佩箍牙兩星期苦不堪言。（吳子生攝）
周吉佩接受《香港01》訪問時表示：「因為箍牙嘅原因，我而家啲顎骨同牙都好痛，好唔習慣，講嘢同唱歌成塊面都好痛，連進食都有問題，因為咬唔到啲食物，搞到要吞，一開始我係唔知會係咁嘅情況，而家箍咗兩個星期，真係有啲想放棄。」
吉吉更即場同粉絲大玩遊戲，氹得一眾粉絲興奮尖叫，現場氣氛高漲。（吳子生攝）
被問到為何會有箍牙這個決定？周吉佩表示：「因為本身自己個面形有少少歪咗，係因為以前細細個嘅時候打籃球，俾人撞到塊面，當時都幾嚴重，我係聽到有撕裂嘅聲音，咁之後一直都冇理佢，變咗有時食啲比較硬嘅食物，例如食雞翼我係會甩牙骹，然之後我係要自己托返上去，其實呢樣嘢係纏繞咗我好多年，就係咁我先決定去箍牙。」
周吉佩與太太一齊出席活動。（吳子生攝）