何超對老公表現有讚無彈 病愈後依然靚仔：佢天生係無可能醜
撰文：鄺鈺瑩
出版：更新：
見到子聰再次上台太開心，何超連腳傷都唔理，仲係咁話「由佢啦！」（葉志明攝）
陳子聰大病初愈後首度公開現身《The Wild Ones Music Festival》，老婆何超亦到場支持，問到老公陳子聰現時的身體如何，她表示：「其實佢身體仲好過我！」提到老公在台上的表演，她說︰「100分！見到佢係台上好感動！我覺得我老公今晚係好型！」她表示陳子聰很想紮髻，但自己就想對方將頭髮放下來，而出騷戰衣亦是由何超負責，「我即刻帶佢去行街，屈佢去買，我話呢件褸嘅色夠搶呀！」
子聰合體廿四味出騷，何超又點會唔支持 ！（大會發相）
講到子聰就算經歷大病後都仍然靚仔，是否要歸功於何超身上，她聞言笑得非常開心並謂︰「佢天生係無可能醜！佢骨架已經……(佢有你嘅愛，所以keep住靚仔？)無錯！」她表示自己很緊張他，「有我緊張佢，佢就會好靚仔！」她表示老公現時一星期四次要去做物理治療，自言體能都不及對方。最後何超再一次多謝今次有這麼多樂隊響應活動，又話大家為搖滾花了不少心機，因為香港很少搞這類搖滾音樂盛事，所以再次多謝有份表演及未來將會表滇的樂隊。