麥明詩孖盛勁為派喜餅分享喜悅　唔怕未婚夫靚過自己：咁就好嘞

現年32歲的「十優港姐」麥明詩（Louisa）在今年1月底與飛機師男友盛勁為（Keith）於IG宣布婚訊，並分享了雙方求婚的照片及短片，獲大批圈中好友及網民送上祝福。據知兩人將於3月底舉行婚禮，日前準新郎盛勁為就特別到Salon剪頭髮，他寫道：「以前好少整理髮型，而家有人叫我要執執佢。」

雖然盛勁為未有透露「有人」是誰，但相信大家都估到他指的是麥明詩，有網民留言道：「就快要做新郎哥唔執靚仔啲點得啊？」看來都非常支持盛勁為轉新Look，其後有網民指：「他靚過太太。」見到有人大讚盛勁為靚過自己，麥明詩不但冇嬲，更大方回應：「咁就好嘞。」

其實早前麥明詩出席活動時曾透露籌備婚禮細節大部分都由她處理，盛勁為沒有太多意見，完全能作出配合，看來盛勁為都好聽未來老婆話，執正個頭，不少網民都大讚他們郎才女貌，十分登對，港姐冠軍同靚仔機師的組合絕對冇得輸！兩人更相約「天下第一關」鄭紹康大派喜餅，分享喜悅！