德甲|慕遜加柏反勝拜仁 詭異手球連球會Twitter小編也崩潰

撰文:
最後更新日期:

德甲班霸拜仁慕尼黑凌晨遭遇滑鐵盧,3個月以來首次落敗。這次去季三冠王作客一度領先兩球,卻被慕遜加柏半場扳平,復於下半場反勝3:2。

今戰主角必定是慕遜加柏中場科利安尼奧侯斯,上半場犯手球引致12碼,過程突兀連球會小編都難以解釋,下半場卻以射出世界波將功補過,成為贏波功臣。

兩支歐聯淘汰賽分子對壘,拜仁一度形勢大好,上半場20分鐘先多謝對手送禮。艾方素戴維斯(Alphonso DAVIES)在禁區頂短傳,被慕遜加柏解圍,但拜仁球員舉手投訴。球證查看VAR,發現尼奧侯斯(Florian NEUHAUS)犯手球,吹罰12碼,由利雲度夫斯基先開記錄。

咁大份禮物,利雲度夫斯基點會放過?(Getty Images)

畫面所見,傳球高度低於膝部,亦無威脅,尼奧侯斯卻先伸長手,手指觸球後才「縮都縮唔切」放到身後。這一幕「超自然現象」驚呆不少人,包括慕遜加柏英文Twitter的編輯,只能有話直說:「VAR發現,尼奧侯斯犯了他自己不能解釋的手球。腦袋『跳掣』的例子」。

可能係三井壽上身,「教練我想打波呀」。(影片截圖)

點解釋?小編話「冇得拆,照直講」。(慕遜加柏Twitter)

拜仁在領先後6分鐘由哥列斯卡(Leon GORETZKA)禁區頂勁射破網,但兩球優勢在完半場前化為烏有。莊拿斯荷夫曼(Jonas HOFMANN)在35分鐘入楔單刀扳回一城,再於補時前接應隊友自中場線的直線,把握拜仁「裝越位」失敗,追回返回更衣室。

尼奧侯斯半場修理好,立即射出世界波。(美聯社)

荷夫曼下半場49分鐘策動反勝一球,橫傳交予「線路回復正常」的尼奧侯斯。他在娥眉月內燙射直飛上角,將功補過反超前。拜仁力追仍無法收復失地,結果今季德甲第2次落敗,暫時領先次席RB萊比錫2分,但多踢1場;慕遜加柏暫列第7。

贏波功臣,威威。(慕遜加柏Twitter)

尼奧侯斯的手球賽後成為網民笑料,有人指「睇波咁耐見過最蠢嘅手球」、「最奇怪嘅手球」。他成為贏波功臣,賽後受訪表示面對兩球失地,輸無可輸只可放膽向前。對於「跳掣」手球,他說:「我出於本能反應,好愚蠢,但我提自己不要想了。能夠射入反射一球,超級開心。」

同場加映後衛「中槍」。馬菲亞斯真達用頭頂走利萊辛尼勁射,但來球太勁,真達頂走之後整個人彈飛,躺在地上「暈陀陀」,幸無大礙,繼續比賽。(路透社)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。