【使徒行者2】每日最少聽兩次菊梓喬唱歌 正式挑戰洗腦王吳若希
撰文：溫菁莉
出版：更新：
今個星期觀眾睇完《同盟》同《踩過界》之後，唔好諗住可以休息下呀，因為《使徒行者2》聽晚將會隆重首播，觀眾除了可以睇到袁偉豪晒肌之外，仲有周柏豪首次擔正做男主角，劇情好唔好睇固然未知，但劇集主題曲除了有周柏豪《天網》，片尾曲亦由吳若希換上菊梓喬(hana) 唱，唔知會唔會好似當年「無懼世事變改 還是越難越愛」嘅《越難越愛》咁不斷係劇中亂入呢？！
+15
周柏豪今年7月正式加入星夢，相信之後有好多機會聽到佢唱TVB劇集主題曲！
自從吳若希去年宣佈懷孕後，在TVB劇集中已經鮮有聽到佢唱嘅歌，今年誕下囡囡Giselle後，出現嘅次數雖然比之前多，但只限有TVB有重大場合才會現身。相反，出道1年多，今年正式與星夢簽約嘅菊梓喬(Hana)就被公司力捧，一曲接一曲，更被外界封為「星夢一姐」。現時晚上7點在TVB播放的《三生三世十里桃花》主題曲都係佢唱，隔兩個鐘又聽到佢唱《使徒行者2》片尾曲。但究竟觀眾會唔會真係被Hana首歌洗到腦呢?其實又真係未必會，因為唱劇集主題曲周柏豪先係勁敵，除了《使徒行者2》係佢擔正之外，今年7月他亦正式加盟星夢娛樂，順利坐正近期遭負面新聞包圍兼原本有「星夢一哥」之稱嘅鄭俊弘地位。BTW吳若希日前出席《IFPI香港唱片銷量大獎2016》記者會時，就透露將會正式投入工作，現時亦開始錄新歌，睇黎Hana真係要加油先得喇！！