趙麗穎為新劇變髮 與男主角金瀚非一般關係
撰文：鄺鈺瑩
出版：更新：
成立自己工作室之後，再簽幾多新人返嚟力捧，得閒再一齊出下鏡，似乎係唔少大陸藝人做法。金瀚6月生日時，特意上載同趙麗穎合照，並表示：「感謝我boss，忙中抽空，今天生日見到了她我好開心。」（網上圖片）
因《花千骨》而爆紅嘅趙麗穎，今年再多一部《楚喬傳》，超過400億嘅點擊率令佢成為收視女王，雖然劇迷都十分期待《楚喬傳》續集，但趙麗穎就早已落閘表明唔會拍。
另一邊廂，趙麗穎主演嘅時裝新劇《你和我的傾城時光》已經進行尾聲階段，預計明年播出。該劇男主角金瀚雖然出道3年，但早已在《楚喬傳》同趙麗穎合作，今次更擔正做男一，雖然有劇迷認為佢經驗不足，難擔大旗，但金瀚話晒都係趙麗穎工作室力捧新人，加上趙麗穎一把長髮為劇剪，大大增加了《時光》嘅話題性。
《時光》男主角由最初的楊洋，到後來的言承旭，已經賺到唔少關注度，而最後變為金瀚，理由不用多說吧！劇集6月開鏡時，唔少人都仲問緊「金瀚是誰？」（微博圖片）
金瀚於劇中飾演富二代，因家族生意出現危機，他隨即成為公司負責人，與身為白領嘅趙麗穎在爾虞我詐的商場戰爭中擦出愛火。趙麗穎早在6月時，已為《時光》剪去一把長髮，不過日前就有網民於微博爆料，指「某位女星片酬極高、看似敬業，卻在拍戲拍到一半時擅自剪短頭髮，導致前後劇情不連貫需要補拍。」矛頭直指趙麗穎，但那邊廂已遭劇組即時否認。
《時光》於蘇州拍攝中，今日就有路人偶遇趙麗穎同金瀚一齊做對手戲。（網上圖片）
完成《時光》後，趙麗穎隨即投入古裝劇集《知否？知否？應是綠肥紅瘦》，而於該劇男主角正係去年因電影《西遊記女兒國》，不時同趙麗穎出雙入對嘅馮紹峰。趙麗穎於改編自同名小說嘅《知否》中，飾演盛明蘭雖然又靚又叻，但於家族中受到排擠，遇上馮紹峰飾演嘅侯府二公子後，展開一段愛情故事。 一部係同力捧新人之作，一部係同緋聞男友過戲癮，趙麗穎都幾識揀。
拍完《西遊記之女兒國》之後，趙麗穎被影到同馮紹峰著情侶裝去撐檯腳再返酒店。（網上圖片）
忙拍劇的同時，趙麗穎新戲《密戰》於11月上映，keep住曝光率。