關智斌主演網絡電影五日破1600萬點擊 小斌女愈man愈紅
好多香港藝人一段時間無喺香港露面，可能係約滿離開娛樂圈，宜家更多嘅係北上發展，仲可能唔聲唔聲上埋一線小生花旦之位。Kenny關智斌近年長駐內地拍劇，最新一套主演的網絡電影《血戰銅鑼灣3》一上線便奪得單日播放率冠軍，短短五日點擊率直逼1600萬，人氣勢不可擋呀﹗
Kenny於戲中飾演以一敵十的古惑仔仇孝天，要留鬚健身學揸電單車拍攝飛車場面：「因為我第一次拍網大(網絡電影)，其實不懂得衡量怎樣才算成績好，直至製作公司老闆、導演跟我說點擊率三日有過千萬，是一個令人喜出望外的數字。（有沒有目標？）我希望整個系列的點擊率會累積到一個億，不知道是否很貪心呢？因為血戰銅鑼灣前兩集已經有幾千萬收視，既然第三集勢頭開得好，希望口碑和瀏覽人數不停的累積上去。」Kenny 又知道自己主題曲《習慣說謊》，登上不同音樂平台的熱搜榜，覺得極為鼓舞。如果成績一直好下去會怎樣報答觀眾，會唔會show身材派福利，Kenny笑笑說道:「當然是提議開第四集啦！」
近年Kenny於內地歌影視戲三棲都作品不斷，與趙麗穎合作出演《追魚傳奇》後，Kenny在社交網絡上的粉絲群瞬間擴大，今年初被發現斥資千七萬，購入低密度清水灣道新樓盤俾家人住，遠至加拿大都有物業俾爺爺嫲嫲頤養天年，身家簡直三級跳﹗
無見三幾年忽然躍升一線嘅又點止Kenny一個，同公司嘅William陳偉霆，憑住《古劍奇譚》嘅大師兄一角紅透半邊天，不過喺香港觀眾心目中對William印象，依舊停留於唱歌不好聽，跳舞技術又普通，不過你有你唔鍾意，William身價直線飆升，由100萬升到去5000萬，有傳最近更有人開價9000萬，搵佢拍電視劇，即是話幾年間，身價已經升近100倍，成為當今最高人工嘅香港男藝人，於「2017中國百大名人收入榜」之中陳偉霆的收入只僅次於梁朝偉，一年狂吸6000萬人仔，一線小生之位穩如泰山。
仲有最近以MK LOOK回歸香港開唱嘅李彩華，早於16歲以歌手身份出道，推出過多張唱片，一直星運平平。2006年開始往內地發展，2011年參演內地劇《回家的誘惑》爆紅，身價暴漲每集吸金30萬人民幣（約34.4萬港元），隨後劇接劇勁賺人仔，被稱為「圈中小富婆」，手上最少擁有5個豪宅，亦係香港失意但內地紅到發紫嘅佼佼者。