【太陽的後裔】巴基斯坦翻拍經典劇　巴版宋仲基又幾型喎！

2016年播出嘅韓劇《太陽的後裔》，風潮席捲全亞洲，各地相繼開拍類似軍旅題材電視劇，內地、台灣、泰國版本都已經陸續播出，呢股熱潮居然連南亞地區都為之瘋狂，巴基斯坦開拍當地版本嘅《太陽的後裔》，男主角搵嚟小生Imran Abbas Naqvi飾演巴國版劉大尉，引起網友熱烈討論。

Imran Abbas Naqvi現年34歲，係巴基斯坦著名男星兼模特兒，身高達183cm，琥珀色眼珠、臉頰兩邊留著鬍鬚，五官深邃加上FIT爆身形，男人味十足，2003年出道至今拍過7套電影及數十套電視劇。2014年曾經憑驚慄電影《Creature 3D》，入圍角逐Bollywood年度電影最佳男主角獎(The Filmfare Award for Best Male Debut)。