【晚吹】21歲整容女Berry想還原：瞓喺手術台上真係好無自尊！
撰文：黃梓恒
出版：更新：
前排有一名整容奇女子Berry，在多個訪問當中透露自己22歲已經整容過30次，主要原因是為了前男友。最近她上了ViuTV的訪談節目《晚吹 - 男人講嘢》跟三位支持人剖釋自己的整容之路，原來她未整容前隨時仲靚過整容後。
今次Berry上《晚吹》大談過去的事情。（電視畫面）
一般人整容，多是因為覺得自己不夠漂亮，而想變得更完美，但Berry其實本身已經是一個十分標緻的女孩子，點解還要去整容呢？她在節目中說道：「第一次整容係17歲，嗰陣中五，當時啲𡃁模係火紅，我日迷夜迷仲擺埋喺床頭。嗰時成班女仔圍埋傾啲咩？一係就減肥，一係就整，當時我無乜點化妝，一嚟就好大膽整容。」
整容前的相片，只有17歲。(Instagram圖片)
+4
大家都知道，整容其實並不便宜，當時只有17歲的她，究竟錢從何來？她充：「嗰陣我係見$799plan就上咗去，點知上到去就被佢困咗三個幾鍾sell我，最後變咗$17000打3枝針，咁我當時得17歲，戶口都係得$5000，我邊有可能做得啫。跟住佢話唔緊要，可以借架嘛，我又真係填咗資料俾佢，好彩我嗰陣得17歲，無批到。不過之後佢又叫我借朋友信用卡分期，最終我都係借咗。」幸好當時她年紀未夠，不然真的借了財仔，又是另一條不歸路。
這張是17歲時的相片。（電視畫面）
至於點解會踏上不斷整容之路呢？事關Berry認識了一個男朋友，而他卻不斷踐踏自己，由性格到衣著又到樣貌被踩到一文不值，所以為了配合男友就不斷整容，甚至有成30次的經驗。到現在，原來Berry已經想慢慢將自己變回正常，耐何化學物質實在太多，短時間內根本不可能清空，她決心不再整容的原因是：「當我出咗咁多youtube，咁多人支持我以前個樣，同埋打針打得多都會覺得煩，當你瞓喺手術台上真係好無自尊。又會擔心整容會唔會失敗，我都試過架，結果拎多$20000出嚟求人幫我整返好，又要擔心可唔可以還原。」信相隨住時間的流逝，Berry的樣子總會還原本來的面貌。
你喜歡她整容前還是後？（Instagram圖片）
+5