【王者出擊】何猷君笑住被林志玲畫花面　最緊要女神高興

有樣有學歷嘅何猷君近期成為內地綜藝目常客，《愛的時差》同《最強大腦之燃燒吧大腦》雖然屬於不同類似的綜藝節目，但何猷君一樣完美地「消化」，有網友更因而視佢為理想型，亦有網友被佢腦力所吸引。
 

何猷君早前就話過自己係因為超模奚夢瑤關係所以參演《愛的時差》，而其實除咗《愛》之外，由王者榮耀衍生的真人騷《王者出擊》，兩位亦都有份參與。之不過，喺最新一集中，兩個無得拍住一齊上，而何猷君執行任務時遇上林志玲，兼要被對方塗口紅，雖然搞到不男不女，但佢就一啲都無嬲，而且仲好鬼開心，之後當佢聽到林志玲嘅任務係要得到何猷君唇印時，更即時一臉花痴表示：「這是我最開心的時刻。」幫忙志玲姐姐完成任務之後，何猷君即時被out，但佢就笑晒同跳住咁話:「我很開心。」賺錢賺人氣兼可以一親女神，即時明晒點解何猷君要參加咁多綜藝。