【小Model．多圖】官恩娜初生B女留倩影 BéBé A托頭微笑勁可愛
撰文：洪曉璇
出版：更新：
官恩娜囡囡BéBé A戴上粉紅色花花頭巾，嘴細細鼻尖尖，雖然闔埋眼但見到眼線極長，肯定係大眼靚B。（官恩娜Facebook）
愈來愈多香港媽媽放棄工作，全職做主婦湊小朋友，始終錢可以再搵過，但小朋友嘅成長錯過一日都無得追返。好似官恩娜15年剖腹誕下囝囝Gabriel（BéBé G），今年初再誕下囡囡Aurélie（BéBé A）三年抱兩。呢日仲公開一批囡囡嘅初生嬰兒照，見到BéBé A闔埋眼托住頭面帶微笑，就好似發緊甜夢笑出嚟，好可愛呀。
自誕下BéBé G後，官恩娜一直做全職媽媽，親力親為湊大囝囝。（官恩娜Facebook）
Ella媽媽誕下BéBé G後，一直堅持以母乳餵哺，做足一年全職媽媽後，本來17年佢重新走入錄音室，準備復出樂壇，點知好快又宣布再次懷孕而停工。湊小朋友除咗要無比耐性，最緊要就係唔好偏心，大仔有影初生BB相，自不然囡囡都要影啦﹗
Ella媽媽誕下BéBé G後，一直堅持以母乳餵哺，到BéBé A當然亦唔例外。（官恩娜Facebook）
【湊成好字】官恩娜宣布囡囡出世 Aurélie似足媽媽好標緻
圖左係哥哥BéBé G，圖右係妹妹BéBé A。（官恩娜Facebook）
BéBé A瞓覺托住頭，撓住腳仲要右手拎住熊仔，相當可愛。（官恩娜Facebook）
BéBé A嘅呢一輯初生相片以粉紅色為主調，時而托頭，時而扮熊仔，仲有兩張用粉紅色布包起BéBé A，就好似蠶蟲破繭而出一樣。Ella代囡囡留言話：「Hello everyone! I’m 19days old today! （大家好，今日2月4日我19日大啦﹗）」即使瞓住覺俾攝影師舞來舞去，BéBé A都Keep住甜笑相當可愛，仲非常上鏡添，睇嚟遺傳到星媽嘅Model基因噃！
到底BéBé A發緊咩夢咁開心呢？（官恩娜Facebook）