小一英文功課答案搬龍門 雙學位朱千雪：畀我答都肥佬
撰文：陳浩賢
出版：更新：
近日網上瘋傳一份小一英文功課，要小朋友用英文指出圖中公仔的眼耳口鼻，雖然只是小一程度，卻令一班家長在網上熱烈討論，皆因這份功課中有兩個答案被指填錯，原來老師要每個答案也要寫在長方格內的正下方位置，有點矯枉過正的感覺。擁有博士學位的無綫藝人朱千雪，睇過該份功課後，也忍不住說「原來可以咁挑剔嘅，建議媽咪去搵老師問吓」，還笑說「如果係我都會肥佬」。
成份小一英文功課，點睇都無錯，為何老師堅持學生答錯呢？（網上圖片）
該名小朋友的家長，強調普通功課其實Grade A同B係無大分別，但小朋友問她錯什麼，她表示「只係唔想小朋友覺得老師因為一句話錯就錯，因為老師的Model Answer而不明不白地改正，一位剛升上小一的小朋友，做功課一定跟例題做，而例題亦無講明要在線上。」該名家長將該份功課放上網，讓網民評理。網民亦紛紛留言「老師病咗叫佢睇醫生」、「唔配合老師，小心扣操行分」、「寫出咗界都可以話錯」，對於老師的處理手法，網民一面倒狠批。
家長Post文搵網民評理：
朱千雪
無綫力捧花旦朱千雪，除了靚女有氣質外，更擁有企業傳播社會科學碩士及法律博士學位，而她看過該份功課後，也忍不住說「睇Sample都係喺中間，我覺得最緊要都係個答案啱，如果唔係寫喺條線都要扣分，我諗我好容易畢唔到業。總之老師無事先講明，我都好易肥佬。」網民建議家長向老師問個清楚，討回公道，朱千雪表示：「我覺得可以問下老師，叫媽咪問下啦，原來可以咁挑剔嘅，咁老師要俾個明確啲嘅指示。」連朱千雪都話自己有機會被肥佬，看來該位老師將答案搬龍門，有點令人難以接受。
相關文章：
朱千雪讚男友好廚藝 整威靈頓牛排似Gordon Ramsay：我係負責食
網民紛紛留言指責該名老師，話如此答案等於搬龍門。（網上截圖）