【初三赤口】林淑敏狠評大小姐 「佢咪一個識打扮嘅老姑婆囉！」
撰文：洪曉璇
出版：更新：
可以同大小姐呢個最熟悉的陌生人對談，林淑敏都講到眉飛色舞。（梁碧玲攝）
見到呢張相呢個人，大家第一個反應會叫佢咩名？應該大部分人都會衝口而出叫佢做「大小姐」。林淑敏2000年參選港姐入行，參演超過120套劇集，高峰時期一年內13套劇都見到佢嘅身影，其中《愛 ‧ 回家之開心速遞》中，龍力蓮大小姐呢個角色，更令佢首次獲提名「最佳女配角」。狗年就俾個機會林淑敏同大小姐對談啦﹗
場地提供：回味無窮印尼餐館
大小姐既巴渣又可愛，在林淑敏看來其實係個外冷內熱嘅好女仔。（梁碧玲攝）
林淑敏即係大小姐，最了解呢個角色當然一定係佢本人啦：「大小姐呀？佢咪一個識打扮嘅老姑婆囉，呢世都嫁唔出架啦性格唔好。」講就咁講，但大小姐嘅好Mandy又點會唔知呀：「大小姐其實很堅強，然外冷內熱，不過好有愛心，對身邊人都很好。要身邊同事家人有需要，一定會幫忙。」唔止幫人，大小姐幫到最多嘅，應該係Mandy本人。
當日叫林淑敏擺出大小姐架勢，佢拎起餐刀輕撥頭髮，令台前幕後笑到唔停。（梁碧玲攝）
「大小姐真係令好多人認識我。」林淑敏由衷地講出呢句心聲。《愛 · 回家之開心速遞》中，同一貫TVB處境劇一樣，圍繞一個家庭為主軸，大小姐一角作為公司高層，戲份本來真係唔算多。但就正如袁文傑憑游生彈起，好嘅演員唔會因為戲份多少而被埋沒，只要等待時機一到自然大放異彩。
雖然呢一年以來人氣急升，但林淑敏都依然同以前一樣，係個愛笑又唔會掩飾真性情嘅女仔，見到喜歡嘅事物就好似大小姐一樣即時心心眼。（梁碧玲攝）
「《愛·回家之開心速遞》同《平安谷》係差唔多時間拍攝，我扮完村姑入化妝間換妝SET頭變身做大小姐，兩個角色我都好鍾意，好多群戲。喺平安谷入面團購，買親嘢都係幾十份入貨，大家相處得好開心，而大小姐又好又發揮，立秋嫂俾男人蝦，大小姐就不停鬧返啲男人，其實真係演員嘅樂趣，可以不停體驗唔同嘅人生。」Mandy表示新一年最希望都係身體健康，只要大家睇唔厭想一路演落去。
林淑敏表示過去一年得到好多，對自己要求都會高左，好怕大家覺得一直係做緊差唔多嘅嘢，拍攝當日完成每個鏡頭，佢都好緊張去睇重播希望做到最好。（梁碧玲攝）
+6