陳煒藍田街市買料煲湯 單身女人要保養：唔enjoy都唔會去啦
撰文：鄺鈺瑩
出版：更新：
陳煒、陳松伶、黃賢智等人出席無綫新劇《危城First Lady》拜神儀式。陳煒於劇中飾演包租婆，雖然有錢，但情路坎坷。「黃賢智係我初戀情人，但屋企人反對，所以我另嫁他人，有埋小朋友，可惜老公無鬼用，之後遇上徐榮，但佢都係因為媽媽關係，所以先同我一齊。」劇中她又會與陳松伶飾演兩姐妹，各自有恩怨，陳松伶落難後成為租客之一，陳煒笑言因而可以盡情遭質對方。
陳煒於新劇中飾演包租婆，其住客會接連遇上妓女殺手。（陳順禎攝）
陳煒近年劇接劇，離婚後似乎寄情於工作，她透露最近因為忙於拍《好日子》而非常攰。「我初一到初三都係咁瞓，本身自己最重視係過年，但真係好攰，所以什麼也沒有準備，連屋企人都係初四先見面。」雖然感情未有著落，但陳煒依然十分懂得保養自己。「我成日都會去街市買嘢煲湯，再拎返公司飲。（享受單身生活嗎？）唔enjoy都唔會去買餸啦。」
雖然忙到無時停，但陳煒話有時間都會去街市買餸煲湯。（陳順禎攝）