《開心速遞》阮政峰原來係首代蔥蔥　扮公仔演足一年：係秘密！

《放學ICU》是不少8，90後年青人的集體回憶。提到這個噲炙人口的經典兒童節目，當然不得不提譚玉瑛姐姐、Lulu蓋世寶、阿水，以及節目吉祥物「蔥蔥」。不過你又知唔知道，原來現在《愛回家之開心速遞》中的池子孝（阮政峰飾演），也是《放學ICU》主持之一。另外一個秘密就是，《放學ICU》中的「蔥蔥」，原來是阮政峰扮。吉祥物「蔥蔥」的招牌動作「蔥蔥轉身」更是由他開創先河。阮政峰：「我係透過《功夫新星》入行，第一個工作就係做《放學ICU》嘅『蔥蔥』。」

【開心速遞】同蘇韻姿真係撻著？ 阮政峰：滿足大眾需要啫

【心理追兇】阮政峰扮易服癖贏掌聲　著女性內衣入戲：有女仔感覺

阮政峰接受《香港01》訪問時說：「《功夫新星》係培訓新一代動作演員。我目標好清晰，希望透過打功夫入到演藝圈呢個行業。我8歲開始練㗎啦，太極拳、刀槍劍棍我都識。宜家仲有練緊。」原來阮政峰的師傅更是第一位亞運太極拳冠軍李暉，真係犀利。

阮政峰表示，在《功夫新星》之後就加入了TVB第25期訓練班，及後就分派到兒童節目扮演「蔥蔥」。「對我來講咩節目都好新鮮，其實我都好想做兒童節目。見監制嘅時候佢就覺得我好活潑，又有武學底。嗰陣時嘅『蔥蔥』本身就係一個唔係演員嘅人做，冇乜心機。監制就覺得我應該可以令到『蔥蔥』活潑啲，同埋我係我嗰班最矮嘅。後來監制見我講得下嘢，就搵我試埋做主持。」

其實阮政峰擔任「蔥蔥」一角足足有1年之久，雖然扮演「蔥蔥」，戴著頭套努力演戲也沒人知道。不過阮政峰坦言，其實「蔥蔥」這個角色幫了他很多，亦很感激有這個機會。阮政峰：「其實我扮『蔥蔥』都係一個小秘密，直到《放學ICU》完咗，我先可以話俾其他人知。」

阮政峰做《放學ICU》之餘又做「蔥蔥」，可算是付出了更多努力。不過反之，也讓他有更多演出機會及收入。「嗰時係一個show錢$1000，一集當一個show，而我同一集做『蔥蔥』都係當一個show。雖然係咁，但係我有兩個角色反而多咗演出。因為人哋可能一個禮拜有兩集，而我反而可以做多咗1集。」

帶着頭套演戲，可能會有好多演員抗拒。不過阮政峰並未因此而放棄，反而更加落力。「成日都有人同我講：『都見唔到樣，做乜咁落力？』」不過阿譚（譚玉瑛姐姐）有讚過我：『你係我見過做得最好嘅『蔥蔥』。」阮政峰：「《放學ICU》出品，必屬佳品吖嘛。」

離別總是傷感的，1年過後，阮政峰接拍《心路GPS》劇集就正式離開了《放學ICU》大家庭。「走嗰時我都有喊，因為真係好唔捨得。阿譚、Lulu、阿水佢哋就好似我嘅老師咁教我做戲，個感覺就好似小學升中學咁。啱啱離開嗰時，我仲會成日返去11廠探佢哋。」