陳奕迅FB Live直播六合彩　網民驚嘆︰好大部電視喎

陳奕迅（Eason）平日最古靈精怪，不過生活低調，在2013年以老婆徐濠縈名義以2.3億買入壽臣山豪宅地段Shouson Peak獨立屋，平時都只靠老婆同網民分享新相。昨晚六合彩金多寶高達1300萬港元，Eason在Facebook Live直播開彩儀式，頭髮蓬鬆，明顯在屋企睇大電視。身家豐厚的他都同大家一齊睇開彩，不過都有網友搞笑留言︰「中左（咗）有無你 1/10 身家？？」

Eason一邊直播電視，一邊玩自拍，又跟住個主持讀號碼︰「今晚好多紅色，最後一個號碼係「19號」！」不過個電視熒幕真係…好大，直播期間又影到無敵大的客廳，再有張超豪華梳化，網民都大嘆︰「好大部電視喎⋯」網友又笑不如叫Eason做六合彩主持。最後Eason仲祝各位同事中獎，今期六合彩頭獎兩注中，每注獎金派$6,965,180，不知道Eason有冇買今期六合彩呢？不少網民都多謝Eason提醒大家記住核對六合彩。