【不懂撒嬌的女人】張達倫神經感染面癱 失控流口水：左邊冇晒力
撰文：林通賢
出版：更新：
張達倫曾經受到三叉神經感染折磨，最後靠中醫針灸治好，現在亦會不定時覆診，左面肌肉有時亦會不受控。
《不懂撒嬌的女人》早前Saving哥(王浩信飾)彈起，現在就由Car哥(張達倫飾)接力，劇中和譚凱琪一段情兼照顧蝦米仔，看得絲打暈浪，張達倫型男又情深，但原來入無綫初期，捱過一段辛苦日子，除了做路人甲更要受到三叉神經煎熬，病發時還痛得要即刻回家休息，他接受《香港01》訪問時，說:「入行初期囉，你當大約十幾年前啦，我記得喺有日突然訓醒，塊面痺痺地、怪怪地，然後隔咗兩日塊面冇咗力，即刻去睇西醫，佢話我三叉神經入咗細菌感染，真係唔知咩原因。」
張達倫和黎諾懿在《不》劇表現出色，但一見到佢哋就諗起嚴僅、馬壯。
張達倫那時相當辛苦，事業剛起步但又要受到三叉神經病困擾，他說:「試過非常痛，塊面好似被火燒咁樣，好彩嗰陣啱啱入行，做嘅多數企喺後面，痛到要即劇返屋企訓喺度，好辛苦，痛到唔識形容，左邊塊面冇咗力，所以係咁流口水，有時飲水，塊面hold唔到力，一邊飲就一邊喺左邊漏，駛咗幾多錢都計唔到，因為又睇西醫、中醫、針灸，嗰陣西醫就食類固醇，但就攪到成個人好肥、好腫，後尾揾咗萬全堂嘅錢太幫我針灸，就醫好咗，其實而家一有少少事我都揾佢，佢好幫我，佢叫我塊面唔好吹風，冷氣又唔好對住，同埋而家我都有少少大細眼，都有影響㗎，希望越來越好啦，因為會限制咗我做戲嘅表情。」
張達倫上年11月與中學同學陳鳳玲（Kimmy）結婚，形婚相期間更攞住《不》劇劇本狂睇。
張達倫在《不》劇表演被力讚，原來花了不少苦功，他說:「劇組好細心，因為其他演員拍先，我就要去外國影婚紗相，我就叫佢俾定劇本我，佢哋俾咗15集我，我一邊影、一邊睇，所以一返嚟埋位，我就好有信心演，因為我好怕做出嚟似嚴謹，但好彩我睇咗咋，咁我好有信心去演。」
+1