【有片】杜琪峯親自操刀影海報 「三賊王」吸煙隊啤賣粗豪
撰文：李思朗
出版：更新：
（左起）林家棟、陳小春及任賢齊在杜Sir鏡頭下豪邁隊酒。
由杜琪峯（杜Sir）、游乃海監製，許學文、黃偉傑、歐文傑3位鮮浪潮得獎者執導的電影《樹大招風》，將於4月1日在港上映，該片除了成為本屆香港國際電影節開幕電影外，早前更在柏林影展參展，難怪《樹》片在港的公映會一票難求。而向來親力親為的杜Sir，近日為新片操刀拍海報，戲中3位賊王任賢齊（小齊）、陳小春和林家棟，在杜Sir一聲令下，即放下手上的工作飛回港埋位，認真畀面。
杜Sir有姿勢有實際，不惜跪地影靚相。
有姿勢有實際的杜Sir，拿起相機跪在地上捕捉靚角度，又指導小齊、小春及家棟在貨櫃車內擺甫士，甚至連家棟和小齊身上衣服的假灰塵都親手整理，由燈光到道具他都絕不馬虎。3位賊王迫在舊式大貨車車廂裏，又食煙又飲啤酒，非常豪氣，狀甚得戚。而拍攝海報期間，3位聯合導演亦有在場偷師。
雖然最後杜Sir拍攝的海報未有大派用場，但提到杜Sir親自出馬，「3賊王」齊齊指機會難得，小春更剛落機便趕到拍攝現場，相反杜Sir則豪言：「海報不用就不用，沒有原因。」而杜Sir出名慢工出細貨，《奪命金》及《文雀》分別拍了3年半及4年，家棟笑言稍後要補戲，嚇到小齊個心離一離，不過小春及家棟其後指《樹》前期已準備數年，加上杜Sir要求3位導演準備好劇本才開拍，所以眾人都非常期待。
杜Sir指點3位演員擺甫士。
導演之一許學文（後排左一）、3位演員、監製游乃海（右二）等人，圍住杜Sir（前排中）欣賞其作品。
杜Sir作品，可惜其後沒有大派用場。
最終版的宣傳海報。