關智斌撇甩「小斌女」　操肌留鬚極具剛陽味

余文樂、文詠珊(Janice Man)、關智斌，加埋前韓國組合Super Junior成員韓庚，看這個陣容以為又有一套合拍片要誕生。誰不知原來是一套大陸電視劇《失憶之城》，除了他們四個，還有萬達集團董事長王健林之子王思聰的前度張予曦。這套電視劇以大陸的標準來說就是重本投資，劇集改編自大陸同名漫畫，題材十分新穎，是一個科幻的武打劇集。這套劇總共有55集，拍攝歷時一年有多，不過而家都只係出咗宣傳片，仲未知幾時有得睇。

不過只看宣傳片已經得到不少粉絲力讚，當然有一大班是韓庚的影迷，大讚該劇十分有荷里活的風格，有大製作的感覺。雖然未知該劇的製作成本有多少，不過製作公司「玖娛樂」是想製作一個中國式的Marvel電影，所以投資成本相信一定唔會少。劇中關智斌爭贏余文樂做男二，原因其一係因為佢已經在大陸扎根多時，知名度應該都唔會太差。其二是因為他外表絕對不輸給Fishman Lok，同埋出咗名陰柔的「小斌女」現在已經蛻變成鬚根大隻仔佬味型男，絕對唔輸蝕俾大陸嘅「小鮮肉」同埋的士陳。