【鮑魚煎焗雞食譜】雞肉更嫩更香5大步驟!大廚炮製體面賀年菜

撰文:
最後更新日期:

農曆新年將至,不知道大家食團年飯、開年飯時會做甚麼菜式?除了髮菜蠔豉、黃金蝦等等,還有甚麼可以煮?早前就請教富嘉閣的總廚助理張東正師傅,他示範了兩道在家裡都輕鬆煮到的家常賀年菜,製法簡單、賣相體面,今次先學煮這個「鮑魚煎焗雞」吧!

攝影:黃寶瑩

新年怎能沒有雞?張東正師傅說:「一家人團聚,中國人一定會齊齊整整食隻雞。」他坦言以往做鮑魚煎焗雞都會用原隻雞,但今次特地選用雞髀肉,一來冇骨、二來更方便,若然讀者想用原隻雞,他建議:「我自己會成隻雞斬,你可以去街市買,叫佢畀啲斬咗嘅雞件你都可以。」

雞與鮑魚向來是絕配,張師傅續說:「鮑魚好似個元寶咁,腰圓背厚,感覺家肥屋潤,亦係象徵住財富。我哋話『鮑參翅肚』,鮑魚係山珍海錯之首,過年時候整番隻就夠開心,所以『鮑魚煎焗雞』好啱新年食!」他選用罐頭鮑魚,因為夠方便,很多人家裡都有一、兩罐看門口,並直言:「幾百蚊隻嗰啲乾鮑當然可以,但我就唔推薦喇,我今次揀呢個罐頭鮑魚,$330有14隻,都幾靚㗎,唔係差。」

鮑魚無論形狀與顏色都活像一個金元寶,意頭十足。

訪問中他不止一次強調,要令雞與鮑魚的味道更融和,秘訣就是:「我攞咗少少鮑汁去撈隻雞,唔係罐頭入面嗰啲鮑汁,係另外嗰啲,咁鮑魚味道咪滲到落雞囉。同埋我哋煎雞嘅雞油都盡量唔倒走,啲食材咪會索晒雞油,雞嘅香味咪又去到啲鮑魚度。」

請按下圖睇「鮑魚煎焗雞」的所需材料、做法和小秘訣:

第1步:先準備材料,薑切片、葱切段、紅尖椒與乾葱等切片。急凍雞髀肉置室溫3小時解凍,清洗表面血水或雪水,印乾水分後切件,加鹽、糖、頭抽、生粉、紹酒和鮑汁拌勻後,再加花生油拌勻醃15分鐘或以上,再撲上薄薄一層生粉去煎。

+4
+3
+2

張東正師傅為富嘉閣總廚助理,在訪問中示範了兩道簡單的家常賀年菜,鮑魚煎焗雞是其中一款,下一次還有「蜜汁火方煎金蠔」。

以下是「鮑魚煎焗雞」的簡便食譜,歡迎下載:

鮑魚煎焗雞食譜



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。