【批鬥座？】青年男女拒讓關愛座與乘客口角　互拍片上載fb

昨夜一中年漢在巴士指責年輕情侶霸佔關愛座，該對年輕男女隨即反唇相稽「你唔坐點解又咁多事呢？」期間雙方各自以手機拍攝過程，並將片段上載互聯網，惹起爭論。

facebook廣傳兩段片段長度及內容相若，只是拍攝角度不同。根據內容所見，中年漢指情侶霸佔關愛座，並稱拍攝前已有老婆婆勸他們讓座不果，年輕女子亦拿起智能電話拍攝稱「你會坐我會讓，你唔坐又做乜咁多事呢。」中年漢接着稱他們不肯讓座予一名老婆婆，年輕男子隨即舉起手提電話，質問中年漢拍攝的目的：「影嚟做咩啫？又擺上網公審、公審、把ｘ咩，公審。」女子又說：「你係咪有殘缺，你有殘缺我會讓。」中年漢隨後表示：「咪話俾全世界知你係邊個囉。」年輕男子即激動爆粗「好ｘ驚呀，咪戇ｘ啦你，戇ｘ仔。」並與女子連聲斥中年漢「腳有問題」、「腦有問題」。

中年漢先於其fb帳戶上載片段，稱該段片段於98A巴士上拍攝，並解釋事源「有婆婆見有公公上車(手持拐仗)叫佢地讓座，佢對婆婆說:"想有位坐..搭的士呀笨！....."」及後該對情侶將片段投稿至一fb專頁，透過專頁表示「一開始我哋玩緊，睇唔到有呀婆。之後呀婆已經坐係我哋後面鬧我哋，仲用手拍我哋張椅。咁我哋就鬧返佢叫佢咁想坐就坐的士啦，之後呀叔就拍我地片啦」

網民留言意見各異　有人建議取消關愛座

兩段片段上載至互聯網後，隨即引起瘋傳，有網民留言指該名中年漢是「正義魔人」、「多事」、「強迫別人服從自己意志」，又指車廂另有空位，老人並不一定需要坐上關愛座。亦有網民認為中年漢是路見不平，拔刀相助，指拿輕男女態度輕佻、無禮及自私，是真正的「廢青」。更有網民指關愛座常常引起爭執，無法發揮關愛精神之餘，減低普通座位的乘客讓座，又有人稱「 強烈要求將啲座位變曬做企位，咁大家唔洗嘈啦」。

文化人健吾亦在fb轉載與事件有關的文章，慨嘆關愛座引發世代衝突，事件漸漸變為「鬥多人支持」、「係香港，日日是赤口」。