【特首選戰】曾俊華指林鄭支持淨值負數、嬲嬲上到鼻：會否棄選？
特首候選人林鄭月娥在選舉論壇初段時稱，如主流意見不支持她做特首就會辭職。對手曾俊華引述民調結果，指林鄭的支持率淨值為負數，直接問林鄭會否棄選。林鄭反指，有些調查「我(支持率)爬咗上嚟，仲高過你3點」，又奉勸曾：「民望呢樣嘢可上可落，好多人選嘅時候民望高，甚至上任嘅時候民望高，但很多好快就跌咗落來。」指市民認為她能力較強，又自稱是「facebook上的underdog中嘅underdog」（弱隊中的弱隊）。
曾俊華續笑指fb直播中林鄭得到的「嬲嬲」已多到「上鼻」，林鄭反諷曾：「你在政府裡面咁多時間儲like like，我都有點驚訝。」
曾俊華稱，「你早前講過如主流意見不支持你做特首，你會辭職」。他引述最新調查，林鄭的支持率是30%，不支持率有45%，他直問林鄭未上任就支持率已經負淨值，會否考慮退選。林鄭指，坊間有很多這類調查，每個調查有不同問法、受訪者、範圍。曾俊華即提醒，很多調查結果都相近。
林鄭反引用香港研究協會的調查，「我有見到有啲調查我爬咗上來，仲高過你3點」。曾俊華語帶諷刺地說「你信呢個調查」。林鄭指，市民認為她的能力較高，又奉勸曾俊華「民望呢樣嘢可上可落，好多人選嘅時候民望高，甚至上任嘅時候民望高，但很多好快就跌咗落來」，曾俊華即追問：「你講邊個？」，林鄭就答「外國很多總統都係咁。」
曾俊華隨即問林鄭，知否fb正直播論壇，問林鄭：「你知唔知道在你臉下面啲嬲嬲，已經上到個鼻度？」林鄭回應稱「在fb上我是弱者」，又稱「很多人話John在選舉中的underdog(弱勢)」，但「呢次選舉我在facebook上係underdog裡面的underdog」。
曾俊華問林鄭，如何與年輕人「connect」，批她只與專業人士「connect」。林鄭就指自己會繼續學習，又稱自己在政綱有提出解決年輕人的「學業、事業和置業」問題及讓年輕人「議政、論政、參政」。林鄭又暗諷曾俊華：「fb我係後來者，你儲了咁多like like，你在政府裡面咁多時間儲likelike，我都有點驚訝，我連上網都冇時間。」
【選舉論壇．持續更新】曾俊華狙擊林鄭 倘當選會致「撕裂2.0」
【互動專頁】完全選委圖鑑！焦點新聞 拆局解讀 數據深度：
http://bit.ly/2hsX5No
獨家港大民調！《香港01》特首走勢圖：Like嬲領先指數