洪嘉豪邀動畫師製作MV　誇大情侶離奇舉動：得男女主角會好悶

洪嘉豪近日推出新歌《曲線型戀情》，以一對性格截然不同的戀人出發，帶出情侶雙方藉一種獨有魅力互相吸引。他與動畫師Jun合作，不但以動畫製作MV，誇張地呈現情侶間的獨特行為，唱片公司為宣傳新歌，更為歌迷製作近30張手機背景圖片。

Jun在《表情符號》後再次與嘉豪合作，他接受《01眾樂迷》訪問時指，自己在構思時已想起不少情侶間看似惹怒對方，但實際上卻是增進感情的古怪舉動：「例如個女仔喺度喊，但係個男仔竟然仲笑緊佢，畀着其他人肯定會嗌分手，但係其實係佢哋增進感情嘅方法之一。」

Jun在Instagram中指，MV中的跳舞鬼最受歡迎，他透露其真正身份是惹怒女朋友的男主角：「如果成個MV都係得男主角同女主角，視覺效果就會好悶，於是決定加其他嘢。既然個男主角咁鍾意扮鬼扮馬，不如就等佢笠住塊布跳舞啦！但係佢居然喺女朋友嬲緊嗰陣仲整蠱造怪，於是個女仔就決定一手摙爆隻鬼。」