勁爆2020｜馮允謙有信心攞獎 為上台準備好貓紙：我啲記性好差
撰文：劉傳謙
出版：更新：
馮允謙（Jay）今日（17/11）現身會展，出席《新城勁爆頒獎禮2020》記者會。談到商台和新城先後宣布舉辦實體頒獎禮，Jay直言感到非常興奮：「我覺得氣氛會好好，始終有一班人一齊坐喺度慶祝，可以影張相，係好特別同開心嘅感覺。」
馮允謙今日現身《新城勁爆頒獎禮2020》記者會。（梁碧玲攝）
Jay又指，如果今年能在頒獎禮得獎會十分高興，因為他可以逐一在台上向所有人道謝，又指會準備好便條紙，一一記下需要多謝的人：「我啲記性（喺台上）好差，唔知點解我會記得好多嘢，但係一上到台就會乜都唔記得，就算係自己啲歌嘅歌詞，只要一上到台，你會完全唔記得自己要唱咩，所以我真係要專心啲。」
馮允謙自認記性差。（梁碧玲攝）
今年4首派台歌成績亮眼，被問到有沒有信心能拿下男歌手獎項，他直言：「係有機會嘅，每個歌手都有機會。只要佢出一啲好嘅歌，啲人鍾意，咁就自然有機會。我就冇諗太多，有就當然係更加好嘅獎勵，亦都係一個回報畀返公司，佢哋今年出咗好多力幫我宣傳，所以想攞呢樣嘢報答返佢哋。」