【RubberBand演唱會】6號自認唱歌極眼淺:四晚演出有三晚都喊

撰文:
最後更新日期:

RubberBand紅館演唱會《RubberBand Ciao 2021》終於在昨晚(6/4)圓滿結束,當中主音6號在新歌《Ciao》唱至最後哭成淚人,最後更要在隊友安慰下離開舞台。問到是否對這個演唱會感到不捨,他解釋「離別」與「再聚」這個題材很容易觸動自己情緒:「我自己係唱歌嘅,好容易會將入面嘅感情釋放出嚟。其實四晚演出有三晚都因為唔同嘅歌而喊,有啲會係因為朋友嘅散聚,有啲係家人嘅離去,其實都係圍繞散聚。」

《RubberBand Ciao 2021》圓滿結束。(葉志明攝)

鼓手泥鯭直言對演唱會感到不捨:「我哋喺紅館做咗4晚騷,加埋綵排,嗰度都有6晚。首先係唔捨得呢個地方,呢個日程,其次係有現場觀眾入場睇同畀反應,呢個就更加唔捨得。仲有一班可遇不可求嘅樂手、組合,就一定係好唔捨得。」說到觀眾,這也是結他手阿正最為感動的地方:「4晚喎大佬,都係75%,啲飛都係賣晒,真係感動。」在旁的低音結他手阿偉即笑言:「我感動在阿正今晚彈得好!」

泥鯭直言對演唱會感到不捨。(葉志明攝)

阿正認為,演唱會如期舉行,更全場爆滿,對他而言已是相當感動。(葉志明攝)

說回真正令自己感觸的,阿偉指現時面對與好友分離,正好與演唱會主題吻合:「有一晚有兩班朋友入嚟睇Show,佢哋一個星期後就要移民,當我哋唱新歌(《Ciao》)嘅時候,嗰日都忍唔住喊咗。不過好似歌詞咁講,『約定再見,就會再見』,我相信我哋可以再見。」被問到演唱會後第一時間最想做的,泥鯭指除了一起與6號破戒吃辣的雞煲外,更需要充分休息:「都要休息番一陣子先啦,最好唔好見到大家住啦,因為之前綵排已經好頻密咁見大家,好似兵工廠咁,見足成個月,都係時候畀大家休息下。」

阿偉指演出正好遇上要面對與朋友離別,在其中一晚唱《Ciao》時不禁落淚。(葉志明攝)

6號因為養聲而不吃辣,因此在演唱會後,泥鯭最想與6號吃雞煲。(葉志明攝)

點擊圖輯,重溫更多RubberBand演唱會尾場花絮:

+23
+23
+23


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。