型聚個性音樂會｜方皓玟離婚後唱情歌：有歷練唱都有唔同感覺
撰文：劉傳謙
出版：更新：
《Tiffany & Co. T1 型聚個性音樂會》昨晚（12/11）在尖沙咀海港城「海運觀點」順利舉行，方皓玟（小明）和陳凱詠（Jace）騷後一同接受傳媒採訪，她們都說能在維港夜景中舉行戶外演唱會是非常難得，Jace也大叫好玩：「例如今次係第一次同Charmaine合作，又可以唱下其他人嘅歌，呢一種可以同唔同單位一齊玩嘅合作，我係最鍾意嘅，希望可以多啲。」小明也感同身受：「今次係第一次同Jace、Tyson合作，知道呢個合作單位嘅時候我都好興奮。」
談起今次合作，Jace直言：「真係可以喺咁好嘅天氣唱《終於好天氣》，我開心咗成日！」（邱愛霖攝）
最近宣布與日籍模特兒丈夫安田慎吾離婚的小明，被問到此刻長期情歌會否有另類感受時，她說：「感觸又冇喎，我覺得每一個人去到人生唔同嘅階段，唔同嘅時間，都會有啲歷練，咁唱情歌嘅時候都會有唔同嘅感覺。（心情？）OK呀，好好。」至於今次選擇穿長褲的Jace，被問到是否因早前的甩裙事件而特意安排，她直言今次只是穿搭上的安排：「冇話咩特登唔特登嘅，依家都有晒心理準備，自己識得做安全措施，褲同裙嘅問題其實都係睇心情，覺得邊樣靚就著邊樣。」
小明指今晚心情未受離婚影響。（邱愛霖攝）