陳柏宇直播最終回唱盡滄海遺珠 竟然唔記得曾與洪卓立合唱?

撰文:劉傳謙
出版:更新:

陳柏宇於三月中開始為疫情打氣而進行《有我 IG Mini Live》,在近期疫情有回落跡象下,昨晚(16/4)Jason進行最後一次的《有我 IG Mini Live 》系列直播,特別為於疫情間因患病而在家的人士打氣。經過多次 Live 獻唱,Jason 昨晚為樂迷帶來驚喜,主打演繹自己的歌曲,當中多首更是多年來的滄海遺珠。

昨晚Jason直播特別嘉賓:Abi!

Jason在昨晚的直播開首即謂:「希望今(昨)晚唱歌畀你哋聽,為你哋打氣,我知一定係辛苦,但你哋要努力、加油!」期間有網民留言表示患上Omicron後喉嚨痛很辛苦,Jason即表示:「我好彩向來冇乜喉嚨痛,但會生痱滋,今日都生咗粒痱滋,頭先唱歌都唔小心咬到。有時Abi(Jason 女兒 Abigail)會伸手指入去我個口,仲會刮我粒痱滋。」人仔細細的Abi也十分調皮呢!

原來Abi都好調皮!

除了因疫情而患病的人士外,Jason 亦聯同願望成真基金(Make-A-Wish Foundation)一同為病童及家長打打氣,曾受惠的Brian亦在直播中分享了自己的經歷:「我嘅願望係成為遊戲工程師,Make-A-Wish特別模擬咗見工環境同程序等我體驗外,更聯絡喺香港嘅遊戲公司,安排面試機會,最終得到實習機會,學到好多遊戲製作嘅相關經驗,希望大學畢業後可以再次返去遊戲界,成為遊戲工程師,長遠夢想會係想砌一隻Game!」Jason聽到也表示:「我自己都鍾意打機,都好 appreciate(欣賞)寫 Game 嘅人,希望你有日可以願望成真!」

Jason亦聯同願望成真基金一同為病童及家長打打氣。

而昨晚長達兩個多小時的 IG Mini Live 彷如 Jason 的個唱一樣,除了唱出《永久保存》、《親愛的仇人》、《拍一半拖》、《告別之前》、《感情這回事》、《別來無恙》等主打歌外,Jason還預備了多首side track,如《二人世界》、《Mr. Adult》、《對人歡笑》等與樂迷分享,有些歌曲如《沒有吻的資格》、《On Every Line》、《一千種戀愛》及《關注我》即使未有安排,但 Jason 也即興唱半首以滿足大家,不過當有忠粉點唱與洪卓立合唱的《支柱》時,Jason 即一頭問號,問:「我有首歌叫《支柱》?」一臉狐疑的 Jason邊思索邊唱出王菀之《永遠幾遠》時,樂迷紛紛搞笑留言:「上次先講過同洪卓立拍過微電影」、「話俾(畀)立立知」、「好多歌你自己都唔記得hahaha」、「Jason 記憶好似金魚」、「陳伯啲記性世一」、「陳伯唔係浪得虛名嫁(㗎)」正當樂迷興高采烈地留言之際,Jason唱罷聽到工作人員告知樂迷的留言後,他即道:「其實即係《繭》!首歌喺微電影出現,但製作團隊唔鍾意本身嘅低音,結果升咗 Key 變咗合唱,嗰陣再做一次變咗《支柱》。」原來即使歷史久遠的事情,Jason仍然記得當中細節。

以為Jason已經唔記得同洪卓立合唱過?其實當中嘅細節佢記得一清二楚!

演唱到最後,Jason 清唱幾句 Sammi 的《捨不得你》作結尾,樂迷亦有留言説捨不得你作回應,Jason 説只是這個定時 Live 直播系列完結,他會繼續不時開 Live 同大家唱歌,下星期會有公布,請樂迷密切留意他的社交網絡公布詳情吧。

雖然《有我IG Live》系列告一段落,但Jason往後都會開與樂迷見面。
你可能感興趣