【LGBT】情侶旅行片爆紅 GF vs GF：問怕唔怕分手嘅人心地唔好
在Youtube當道的年代，很多人甚至把它變成節目來看。有次筆者在Youtube上閒逛，無意中發現了GF vs GF的片。一看，就停不下來，儘管是10多分鐘的對話片，還是一句不漏的把它看完。
鏡頭面前Ashley和阿Ming，個性豪邁直接。鏡頭背後的她們，除了多一份初認識的收歛，依舊的率直幽默。
GF vs GF在Youtube上擁有2萬subscribers，而其中一條有關《出櫃經歷・相處之道．刻骨銘心的愛情史》卻有15萬的觀看次數。本來只打算拍VLOG紀錄情侶旅行的大小事，突然爆紅卻是她們意外的收穫。「因為外國有好多Lesbian嘅Youtuber，香港以我所知就無。但香港係國際大都會，但咁基本的事，居然都沒有人出嚟做。係咪真係無市場？總要有人走出嚟，咁我們就開始拍。」一年多前，她們把第一條旅行VLOG放在Youtube上，後來嘗試加入LGBT的元素，例如《同女友交換衫著》、《Girlfriend tag》等。
一動遇上一靜
記得訪問時的印象，Ashley仍帶點少女般的放任，而阿Ming對答時就相對沉穩，也許就是二人相差九歲的差別，儘管憑外表上不太看出來。拍拖三年半，回想起第一次見面，是在一間香港最有名的Les Bar。「當時我學緊調酒，沖咗好多盤Shot，老細唔想浪費，就求其叫咗人飲。但我真心唔記得佢，到第二次撞到，心諗，呢個邊個嚟？」這是Ashley對阿Ming的第一印象。相反，阿Ming對Ashley的印象卻是十分深刻：「以我認知，Bar入面嘅都係『撈味濃』，咁喺Bar見到個咁『鄰家』嘅女仔好奇怪㗎嘛。咪會多咗留意同傾多兩句。」
第一次約會，是阿Ming主動約Ashley吃晚飯。她「聲稱」自己沒有任何企圖，單純為找個朋友吃飯。「無話有咩意思㗎，咁係人都要食飯㗎啦。」「咁你又唔約其他撈味濃嘅？」「唔知喎。」不用記者追問，Ashley已先行反問。
單憑外表，你會以為Ashley是多話的那個，事實上卻是相反。「佢（阿Ming）好鍾意講嘢，自己可以講好耐，唔應佢都可以繼續講。咁都幾好啊我唔使講，食餐飯，有個人keep住畀資訊你。」「佢一開始好被動，咁我要知你嘅嘢，當然要講嘢。大家都唔講，淨係食飯，咁不如返屋企啦。」鏡頭後的她們，繼續「你一句、我一句」。
「鏡頭背後都係一樣多粗口，甚至更嚴重，但唔會真係嬲。」
「我哋好少吵架，私底下溫柔啲？唔多囉。」
情侶拍片唔怕分手？ 問呢句嘅人心地唔好自言沒有專長的Ashley，不會唱歌跳舞，希望趁著大學幾年時間，好好想一下未來方向，於是選擇學剪片。此時阿Ming再次乘機嘲笑：「你唱歌都唔好聽。」Ashley坦言剛開始拍片時都有所顧慮，亦擔心網民的惡意批評：「好多人都有問怕唔怕分手，與其擔心未知的事，依家可以做幾好就幾好。」阿Ming則表示：「真係無諗過，問呢嘅人心地唔好。」
拍片一年多，說長不長，說短不短。阿Ming看到一個小女生的成長，從不多話、沒方向，到現在勇於在鏡頭前展示自己真實一面。Ashley認為阿Ming有越變成熟，但亦發現了她有控制慾的一面。「你可唔可以講吓優點？我講咗你咁多優點。」阿Ming按捺不住。「優點？真心諗唔到喎。」Ashley繼續乾笑。「你好唔好意思啊？」一貫影片中「唇槍舌戰」的作風。
「有嘅。我係不擅長交際的人，成日見到觀眾都會不知所措，佢會幫我應付好。」幾經辛苦，Ashley終於想到阿Ming的「優點」。
第一次在她面前感動落淚
雖然打鬧是日常，但她們上年就共渡了一次低潮。「我係個好情緒化的人，嗰段時間連自己都覺得自己好煩，好迷失。唔了解自己，但當越了解自己，心情就越低落。」低谷期間，Ashley就連見面都不願說話。「最令你覺得煩嘅原因係無一個好特定嘅原因。」阿Ming為她解答。性情突變，感受最深的自不然是另一半。她能做到的，就是給予空間，默默地守候跟陪伴。
走過低潮，Ashley感謝阿Ming在背後的付出，於是她偷偷剪輯一段《給世上的至愛》的短片，送給她作為週年紀念禮物。猶記得當晚在打邊爐，連湯底都未叫，就讓她先看短片。「嗰次係第一次喊，從來無諗過陪佢呢件事，喺佢心目中係咁緊要。」看似硬朗的阿Ming，憶述時帶著一點溫柔的觸動。
「我哋出街係毫無顧忌，好多人真係諗多咗，其實無咁多人望你。」
「你又唔係邊個，我又唔係邊個，一男一女都會望啦，普通拖手搭膊頭啫。」
GF vs GF 角色互換
女同性戀人的刻板印象，就是一個短髮Tb加女性化打扮的Tbg，Tb強如硬石，Tbg似溫柔似水。 縱然外表吻合，阿Ming卻直言「佢仲似男人多啲。」「就算係女性，都應該負起某些責任，例如搬屋要一齊砌傢私。但佢會覺得：等我嚟啦。點解呢？係咪有咩我係做唔到？明明只係好小事，都係兩粒螺絲啫。真心嬲咗，係咪關係上佢似男，女人就唔應該做？」Ashley語氣堅定地表示。
「我覺得你諗多咗，堅持係因為覺得你會揸流攤，可能做到一半就無力，所以想double check。」阿Ming半開玩笑地打圓場。
不管是男女還是女女戀人，互相支持著對方才是愛情長久之道。「無論幾tough嘅人，都會有軟弱的時候。我唔會永遠保護佢，佢都唔會永遠保護我。」阿Ming如此總結著。
鬥快求婚
談及將來，二人有共識地要計劃同居，並努力實行中。「我自己都有plan嘅，要等佢畢業先。」對許多同性戀人來說，有香港結婚似是遙不可及的事。「如果係求婚，我會想自己係求婚嗰個。」此話竟出自Ashley，因為如果她是主動提出的那個，就代表是真的視對方為終身伴侶，而不是霸王硬上弓，「未ready，但又無得say no。」「咁鬥快囉！」阿Ming秒回。
訪問最後，讓她們互相跟對方說一句話：
希望妳順利畢業，好好享受最後讀書時光，因為做嘢真係好辛苦。」
「妳係一個好支持我所有決定嘅人。就算我嘅夢想有幾不切實際，你都唔會叫我向現實低頭。」
有一個願意陪你瘋又愛護妳的人不易找，找到了，就請抓緊別放。