【種植冇難度】資深攝影師歸穩田園 推廣魚菜共生 為長者闢出路
走在新聞最前線逾廿載，資深攝影師孫樹坤（62歲）12年前退下火線。踏入人生下半場，阿樹退而不休。三年前，他與友人於大澳成立魚菜科學園，為長者提供工作機會，開闢出路。
好感激媽媽一直支持我！中學時，佢用布喺床下底整咗個『黑房』，令我愛上攝影。依家媽媽老，腳有毛病，患腦退化症，好少落街 ……我好想為老人家做多啲嘢！
3年前，阿樹於網上看到魚菜共生的耕種方式，於是到台灣及美國取經。阿樹先於住所後園設置種植盤，其後與友人合資約30萬元，於大澳吉慶街合租3,000多呎空地，親手搭建溫室，設置魚池、種植盆及濾水等設施。
養魚不換水 種菜不用肥
魚菜共生為可持續生產環保生態農業，不用殺蟲劑，蔬果可即摘即食，於歐、美、台灣等地流行多年。阿樹表示，魚菜科學園成立至今，魚缸毋須換水，「一滴水都冇嘥，所有水喺系統內消化」。
魚菜共生利用養魚水種菜，魚池為系統的心臟，澳洲寶石魚則是「靈魂」。阿樹指，寶石魚吃台灣鱸魚糧，氧分高，產生大量排泄物。魚水含大量氨氣，即阿摩尼亞，原為廢料，惟透過培養益生菌，魚的排洩物可轉化成養份，供植物吸收。
82歲獨居婆婆：不知幾好玩
每日早上約7時，約十名年過70歲的婆婆到魚菜科學園做早操、餵魚、打理蔬果，場面溫馨，猶如一家人。89歲的何婆婆坦言，每朝見到街坊，「梗係好，大家傾吓笑吓，唔係成日坐到戇居居，唔癡都懵」。何婆婆笑指，兒子非常鼓勵他到魚菜科學園，「多人嚟先好，好似住獨立監倉咁就唔好啦」。
75歲的馮婆婆則為大澳水上人，年輕時捕魚，至數年前丈夫離世，生活變得苦悶。82歲的張婆婆亦有相似經歷，丈夫離世後獨居至今。張婆婆直言，「種菜一啲都唔難，不知幾好玩」。幾位婆婆寄情種菜養魚，感情深厚。張婆婆憶述去年夏天颱風後，魚池壞氣泵，猶有餘悸，「啲魚死晒，好慘！ 批魚好靚架，我差啲喊呀！」
身邊嘅長者越嚟越多，香港要搵出路，長者唔係淨係安享晚年，係晚年要得到更豐盛嘅生活！老人家可以成為貢獻者，送菜畀人，教學生種菜……社區關係可以變得更密切 ！
盼各區建長者、青年農莊
面對人口老化，阿樹盼政府能真正做到以人為本，「我哋唔需要大白象工程……有好多空置空間，可唔可以喺香港唔同區域，建立畀長者、甚至年青人投入嘅農莊？」阿樹於大澳社區作起步點，與不同非政府組織合作，希望喚起社會各界關注，令魚菜共生遍地開花。
