【肯定香港製造.多圖】用本地蓮子做月餅 味道竟然完全唔同

撰文:
最後更新日期:

由田裡的蓮花、蓮蓬,究竟如何摘出蓮子,變成蓮蓉,再造成月餅?長春社與聖雅各福群會「土作坊」合作推出「塱原土作月餅」,在長春社「禾.花.雀.塱原生態農社」的上水塱原濕地採收生態蓮子,由並基層婦女和長者製作成月餅,全程本土製作。

聖雅各福群會社會企業營運主任黃敏儀向《香港01》記者表示,本土製造的傳統月餅系列已推出多年,而今年更搞搞新意思。「好多時街坊自己嘅仔女,都會鍾意食冰皮月餅。我哋主要希望做無添加、健康嘅食品。推出冰皮系列,如果唔鍾意傳統月餅,都可以食到本地蓮子做出嚟嘅月餅。」

為迎合不同伴口味,今年新推出冰皮系列。(聖雅各福群會提供圖片)

「塱原土作月餅」採用的塱原生態蓮子,產自長春社「禾‧花‧雀‧塱原生態農社」的上水塱原濕地。 (長春社提供圖片)

黃敏儀指,他們製作的蓮蓉跟一般人印象中的蓮蓉有很大分別。「直頭第一次食嘅時候會覺得『吓?呢個係蓮蓉月餅嚟㗎?』因為大家平時食嘅蓮蓉,好似去食酒樓嘅蓮蓉包或者壽包,蓮蓉有啲似漿糊,味道好甜。我哋嘅食起嚟清甜,而且唔會好黏口,有少少沙沙地嘅質感。」黃強調,蓮蓉是100%本地蓮子製做。蓮子肉蒸過後磨成蓉,只加入有機糖及有機山茶油令蓮蓉更滑並有少許甜味。

對於手製蓮蓉跟市面蓮蓉為何有天淵之別?黃指︰「我都只可以同客人講,我哋係用本地蓮子整嘅,原來正常蓮子整出嚟嘅味應該係咁,不過係由細到大,食得太多唔係真正用蓮子做出嚟嘅蓮蓉。」

蓮子肉蒸過後磨成蓉,加入有機糖及有機山茶油。(聖雅各福群會提供圖片)

今年塱原的生態蓮子大豐收,但產量其實都只是13公斤,預計可製作110盒月餅。黃敏儀指,「生態蓮子比市面買到嘅蓮子貴好多,一來係以生態友善方式種植,二來我哋需要人手喺蓮蓬拆出蓮子,然後去衣、去芯。喺香港地人工一定唔會平。」

收集好並處理好的蓮子,交由18名基層婦女和長者製作。「十年前最初嘅時候,由一般嘅婦女負責,唔喺做廚房或者造餅出身,所以搵師傅嚟教,研發咗本地蓮蓉月餅。婦女學多宜家有多年經驗,由佢哋變做師傅,教新加入嘅街坊。」這些月餅結合了本地農夫及本地基層婦女的手藝。

今年採收到13公斤生態蓮子,預計可製作110盒月餅。(聖雅各福群會提供圖片)

(聖雅各福群會提供圖片)

(聖雅各福群會提供圖片)

(聖雅各福群會提供圖片)

(聖雅各福群會提供圖片)

(聖雅各福群會提供圖片)

由於本地蓮子產量有限,所以月餅亦非常搶手,訂完即止。黃敏儀表示,過往有公司想訂二千多個月餅,「因為我哋一定係用本地蓮子,我又唔會用其他蓮子。唯有建議佢訂紅豆或綠豆月餅。」黃續指,我們社企不想浪費,真的有訂單才會做,「唔想好似出面咁,賣唔賣到都做咗先。」健康無添加的月餅需要新鮮製作,「傳統月餅星期三攞,星期二先至焗。」月餅按著訂購量生產。如欲訂購,可在9月14日前在長春社Facebook專頁下載訂購表格。

從製作月餅到包裝出售,均由基層婦女和長者包辦。(聖雅各福群會提供圖片)

(聖雅各福群會提供圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。