【不離不棄】伴患癌糟糠妻　大埔「小馬哥」停業　街坊fb打氣加油

「老婆你見唔見到呀，好多人都叫你支持落去……要畀心機呀，幾難過的關你都要過呀！」與妻子胼手胝足在大埔開設餐廳的「小馬哥」，曾經歷人生低谷，面對生意失敗曾想過輕生，幸有賢良的妻子在旁支持及鼓勵。他克服萬難後，餐廳生意終上了軌道，近月卻又傳來壞消息，患乳癌末期的妻子因病情惡化，需經常出入醫院。為了能與妻子共同面對，及向熟客交代，他遂在舖面張貼暫停營業告示，「只想日夜相伴，望有奇蹟發生！」

「小馬哥」今日接受HK01記者電話訪問時稱，今日正是她與妻子的結婚紀念日，「佢好辛苦，又落唔到床，只能夠同佢睇番啲家庭照，一齊回味往昔。」「小馬哥」透露，未來的日子會時刻陪伴妻子左右，「希望佢食咗啲藥，好似控制到高血壓咁，唔好咁快走先啦……」

妻子：「老公你之前都搵到，依家要死就真係輸！」

本身為孤兒的「小馬哥」，以前家住葵涌，於網上聊天室與「小馬嫂」結緣，「識咗好多年，好難追佢㗎，約佢去邊都唔睬你。後來拎到電話，經噓寒問暖，講咗一個通宵電話就追到。」在打算拉埋天窗之際，「小馬哥」卻因生意失敗，一度欲分手及輕生，幸有未婚妻在旁支持，說道：「老公你之前都搵到，依家要死就真係輸！」

兩人結婚後，為了讓妻子及腹中女兒有飽飯吃，「小馬哥」發奮圖強，曾日打兩份工，於凌晨3點半外出，至深宵12時才返家。「喺生活最潦倒的時候，佢一句怨言都無，見我好攰，叫我老公你快啲沖涼啦。其實，我都知道佢陀住個囡，食唔到乜，嘔得好勁。」

經不斷打拼，於一年多前，他終還清債務，並在大埔開設西餐廳。惟天意弄人，這時卻又傳來另一壞消息，妻子被確診患上乳癌末期，「當初諗住唔開，但老婆話，都有咗呢個病，為咗將來阿囡的生活有個保障，佢的意願都係做好呢間舖。」

在開業一年間，妻子精神仍飽滿，但至今年新年過後，她的病情卻突然惡化，需經常出入醫院做化療。為免年幼女兒擔心，「小馬哥」只解釋「媽咪係去醫院捉蟲。」在個多月來，眼見妻子的情況每況愈下，「佢夜晚會發燒，又擴散到個肝，有黃膽，佢個人好唔舒服。」「小馬哥」頗為痛心，遂決意暫停餐廳的運作，一心一意陪伴妻子行這「抗癌之路。」為令顧客不要想得太多，遂在捲閘貼上告示，希望大家見諒。

由於「小馬哥」於大埔公路九巴車禍中，亦曾暫停營業往捐血，出一分力。有大埔街坊知悉事件後，於昨晚亦在facebook打氣，至今午已有逾千人給予祝福，盼「小馬嫂」能早日康復。「小馬哥」指出，今晨妻子看過留言後，亦感動落淚，「我叫佢要畀心機呀，幾難過的關你都要過呀！」

根據資料，乳癌為本港最常見的女性癌症，亦位列女性癌症殺手第三位，僅次於肺癌和大腸癌。於2015年，本港出現近4,000宗侵入性乳癌新症，較10年前上升70%。於2016年，共有702名女性死於乳癌，佔女性癌症死亡人數的12.2%。