【影評．刺客教條】與其入場睇，不如留返喺屋企打機

我知道的，把電玩改編成電影，愈出名，死得愈慘。

你告訴我，有哪一套，是在合格線以上？《超級學校霸王》？我已經提醒自己不要入場觀看《刺客教條》（Assassin' s Creed ），本身又沒有打開隻game，毫無情意結，何苦要冒險挑戰傳統呢？不過，眼見導演Jason Kurzel再跟前作《馬克白》（Macbeth）的幕前班底合作，Michael Fassbender加Marion Cotillard喎，的確具備吸引力。死就死啦。

導演依然保持一貫的影像色彩，灰灰啡啡藍藍沉沉，跟一般商業娛樂片是有明顯分別。這種風格，似乎跟莎士比亞名著較為相襯。在《馬克白》，視覺疲勞，至少還可以反思一下故事的寓意。在《刺客教條》，代表專制的聖殿騎士團與代表自由的刺客團，爭奪可以操控人類意志的伊甸蘋果，爭奪足足幾百年。身為刺客團後人的男主角，被聖殿騎士團利用高科技，將意識植入到五百年前，用最笨拙的方法，查出寶物下落。講完。所有寓意都已經講完。說句實話，根本沒有什麼可以思考，繼續承受同一種混沌的色彩，就不幸只換到睡意。

最慘是除了畫面讓人看得很累外，一眾演員也沒精打彩。又不能怪他們，講到個伊甸蘋果幾勁幾勁，查足幾百年，又要男主角用自由意志回到過去，又要打幾場大交，先尋到一直被好好收藏的寶物。有乜寶呀？唔知呀，因為寶物一到手，未得閒使用，未公開展覽，主導整個行動的大佬已被前來反盜寶的男主角殺害，蘋果又落返對頭的手中。過程簡單到令人咋舌。接到如此的劇本，任你演技再出色，也好難發揮出來。看這類電影，就不要太重視劇情啦，都係打打打啫。在西班牙古城的追逐戰，穩穩陣陣，屬於不會被嚇死也不會有驚喜的程度。重頭戲應該是男主角在囚室中，被機械臂搭上，然後今古兩個畫面結合，像打機，你在客廳手舞足蹈，而你的意識在虛擬的世界正在連場激戰。兩個時空不斷穿插，希望剪接出新鮮感。可惜，重覆又重覆，很快已經變成例行公事。我已經按捺不住，不停看錶，背後，已經傳來女聲：

「喂呀，幾時散場呀，都話唔睇戲，陪你留喺屋企打機好過啦。」

（本文純屬作者意見，不代表香港01立場。）