【情侶裝】俊男美女自覺非對方 理想型 拍拖後堅持襯過先出街

撰文:
最後更新日期:

「夾」、「襯」總與關係緊扣,人們相信,只要是夾又襯的二人,方能在一段關係完滿彼此。如果相信衣着能反映性格,那麼情侶或是夫婦間的穿搭,又會呈現一幅甚麼質感的晝面。

Pat﹕28歲

Sharlene﹕24歲

二人交往一年半

拍攝當日,PatSharlene以軍綠色作主調,同樣以大地色配襯,並穿上二人第一對情侶鞋。他說他最喜歡軍綠色,她說衣櫃裡幾乎只得大地色的衣服,兩者加起來,絲毫不覺突兀感。就像他們的相遇,彷彿來自兩個世界,加在一起卻尤見合襯。

拍攝當日,Pat和Sharlene以軍綠色作主調,同樣以大地色配襯,並穿上二人第一對情侶鞋。(黃寶瑩攝)

不是對方的「 理想型」

看過他們的Instagram,相信都有此共感:「呢對情侶好襯。」但他們表示,這「成果」不是一朝一夕得來的。過往愛穿運動裝的Sharlene,平日選衣服多以舒適為主,她笑說男友本來就「作狀啲」同「 有Style啲」。幾年前在運動品牌活動上認識,卻沒有特別的好感,原因是-一個愛「大隻仔」,一個愛「 日系女」。她笑言:「我當時唔覺得佢靚仔。」「我依家同你一齊都唔係因為你靚女。」Pat馬上反擊。畫面中的二人,似是文靜知性,可現實中,卻總是在打鬧,是朋友眼中「癲喪又白痴」的一對。

後來經共同朋友不停撮合,二人終成為情侶。問及二人對對方心動的一刻,她就說:「佢睇上黎好似花花弗弗,但做好多事令我覺得佢係愛我。佢一嚟就好坦白,過往咩情史都講晒,畀到我好大信心。」他則說:「係佢好真摯嘅笑容,笑容係呃唔到人。」

Pat說這是他最喜歡的「 情侶裝」,「襯得嚟又唔係好typical。」(取自sharlenewong)

關於衣著的難忘事:

本來衣著上南轅北轍,在Pat的潛移默化改造下,Sharlene亦多花功夫於打扮上。現在的他們,不論出席活動或約會,必定要「襯過先出街」。他解釋說:「可能因為好多人都話好襯,所以唔想跌watt,而且我哋又襯得開心,算係一種brand image」那麼「落街食糖水」呢?「咁就casual,要casual都要一齊casual」他笑言。

Sharlene分享了一次因衣著而起的難忘事:「我們通常都係前一晚夾定著咩。有次朝早教完體操,著咗sportwear,咁啱佢就著到好『四正』。最後我頂唔順,特登買一套襯返佢。」

【情侶裝】同是設計師的超型格組合 難忘最美初約會:刻意卻低調

【情侶裝】由齊齊頹著到穿搭達人 相處如襯衫:是一對又是兩個人

如果可以扔掉對方衣櫃裡的一件衫:

Pat:「熱褲。可能我比較保守大男人,我唔鍾意佢著。」「其他人呢?」「女朋友唔著得啫,我都鍾意美腿嘅。」

Sharlene:「風褸。佢啲風褸真係好核突,成件事係唔襯佢,唔係個個著得靚。」

問及二人對對方心動的一刻,她就說:「佢睇上黎好似花花弗弗,但做好多事令我覺得佢係愛我。佢一嚟就好坦白,過往咩情史都講晒,畀到我好大信心。」他則說:「係佢好真摯嘅笑容,笑容係呃唔到人。」(黃寶瑩攝)

+7
+6
+5

若然對方容貌改變,靠甚麼能認出對方?

Pat:「笑聲。佢嘅笑聲係『戇X』嘅,我要還擊!好似扯蝦咁。」

Sharlene:「Chok樣。記得第一次約會,一個𡃁妹仔出嚟,見到個著西裝同長褸嘅,幾作狀!不過都型嘅,carry到,係有啲嚇親。」

更多他們平日「襯過先出街」的成果:

+11
+10
+9

用三個形容詞形容對方:

Pat:「 善良、  直率、 單純」

Sharlene:「 成熟、坦白、踏實」

服裝:Initial Fashion

【攝影情人】用鏡頭談情 陽光加持 拍出戀愛中的驚喜

姊弟戀90後IG當愛情拆彈專家 吵著放閃感情保鮮

《女生》總在你身邊,請立即下載《香港01》App



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。