宇宙最強甄子丹變超級肥佬:做演員必須要有突破

撰文:陳曉毅
出版:更新:
甄子丹於新戲《肥龍過江》中的肥佬造型。

甄子丹以電影製作人身份,現身喺影視娛樂博覽,他表示因為《追龍》的成功,令他今年將會與王晶合作《大師兄》同《肥龍過江》兩部電影。
於《肥》中,甄子丹飾演的模範警察,在情傷後變為超級大肥佬,但依然身手不凡,於預告片段當中,只見宇宙最強跳舞捉賊一樣掂,但卻被周麗淇這歡喜冤家又打又鬧。對於首次做肥佬,甄子丹就話:「做演員必須要有突破,一直都希望畀觀眾新鮮感,喜劇需要放鬆去演先會有效果。」周麗淇指由於在戲中需然對丹爺又打又鬧,所以拍攝時都幾大壓力,但幸得對方鼓勵。「佢甚至叫我講粗口鬧都得,但好怕觀眾睇完會以為我好惡。」
而在戲中與毛舜筠飾演一對的王晶,他指毛姐是連張國榮都鍾意的女人,所以點都要製造合作機會。毛姐聽到王晶的盛讚後,笑到收唔到聲,並指二人合作確係好有化學作用。

甄子丹再同王晶合作。(黃國立攝)
王晶於發佈會上,一次過晒出咁多位晶女郎。(黃國立攝)
你可能感興趣