《爆旋陀螺》荷里活拍真人版 當年動畫版有郭富城唱主題曲
撰文:許育民
出版:更新:
荷里活對日本動漫改編做真人版向來熾熱,近年的出品如《POKÉMON 神探Pikachu》都有不錯成績,加上連帶玩具銷情理想,絕對是可取的題材。最新公布即將真人化的日本動畫就有《爆旋陀螺》(BeyBlade),今次被電影公司派拉蒙睇中,更找來《壯志凌雲》(Top Gun)及《魔盜王︰決戰鬼盜船》(Pirates of the Caribbean: The Curse of the Black Pearl)監製主理,絕對是寄予厚望。
《爆旋陀螺》漫畫於1999年日本連載,2003年香港首播動畫版,立即掀起陀螺熱潮,不少小朋友都隨身帶備陀螺,連同一排工具替換,仲有個膠兜,方便隨時開戰。而該熱潮,早年亦曾經翻hit。
派拉蒙影業睇中《爆旋陀螺》拍真人版,除了可順勢推出玩具,亦睇中當年熱潮席捲全球。其實計劃早在2015 年傳出,但自始7年間音訊全無,直至近日再聞樓梯響,所以連卡士及導演人選都未有定案,只落實監製一職,由76歲的Jerry Bruckheimer主理。