張建聲拍戲搏到盡　親身上陣三樓爬落樓令手臂傷痕累累：希望冇事

日前中午《壹獄二：刧數難逃》正式開鏡拜神，一眾演員張建聲、張繼聰、鄭浩南、黃光亮、Babyjohn等等也有出席。

張建聲一向出名拍戲唔錫身，拍戲搏到盡的他為了演好角色經常玩命。像這部電影，張建聲又令自己受傷，令人擔心。拍攝當天張建聲要拍攝一場由三樓高爬到地的動作戲，據知拍攝前阿聲問過武指，經過安全測試，大家表示可以進行親身拍攝，所以就親身上陣。而因為手指同石牆磨擦力太強，基本上每拍一次，阿聲手指都會見血。到了晚上八點多，經過五、六次的驚險拍攝後，阿聲「手無完膚」有兩隻手指更加不能屈曲，即時送往法國醫院診治。

阿聲表示：「因為我有兩隻手指屈唔到，可能骨折狀況，但我自己就希望只係傷到筋膜，始終骨折的話可能會影響拍攝進度。依家去緊醫院，希望冇事啦。」