爆谷一周|Tiger以MIRROR組出最強攝製班底 一個崗位竟冇人勝任
參與鮮浪潮短片國際短片節,憑短片《是日精選》晉身導演的MIRROR成員Tiger邱傲然,聯同演員楊樂文 Lokman以及編劇麥可暉,一齊上由谷德昭主演的《爆谷一周》,分享拍攝時的趣事。去到訪問尾聲,谷德昭建議二人以MIRROR成員為班底,配對出一個最強的幕後陣容,結果8個崗位中,竟然有一個係冇人能勝任,到底有邊方面技術係會考起MIRROR?
Ian Edan最識計數
谷德昭拿出一塊板,上面有齊開拍一部電影,最主要的8個崗位,起初Tiger與Lokman都好快配對出答案,例如編劇會是Alton(王智德)因為口才好,又多鬼主意,導演就由Tiger自己繼續擔任,Stanley(邱仕晉)則可以身兼編劇與導演。製片要識計數和與其他人交涉,Ian(陳卓賢)與Edan(呂爵安)就當時無愧。
姜濤Anson Lo最貪靚
副導演一職,就由Lokman與AK(江𤒹生)擔任,前者今次《是日精選》都想當副導,但奈何一直找不到合適演員才升上做男主角,而AK就正正是今次的副導演。美術指導一職,就由團中最貪靚的姜濤與Anson Lo(盧瀚霆)擔任,音樂就交予Jer(柳應廷),最後茶水就由Jeremy(李駿傑)與Frankie(陳瑞輝)分擔,因為一個鍾意照顧人,另一個就身上經常有很多藥物在身,解決大家頭暈身慶。
唯獨攝影指導一職,二人想了良久都冇頭緒,就連編劇阿暉提議找哪位出IG最有美感的一人擔任,Tiger與Lokman都未有反應,靜過太空,最後決定攝影一職懸空向外求。
「要學識不去妒忌人,會替人開心」
最後谷德昭又問Tiger多年前訪問,自覺只有19歲,大把時間,機會可以讓給其他隊友先,事隔數年,今日的想法又有冇唔同?Tiger就講到機會冇得強求,但最緊要學識不去妒忌人,亦要學識戥人開心。「要自己準備好先,別人有機會因為他有下苦功,你應該替他開心而不是妒忌,想想為甚麼他有,我沒有?」答案大方得體,身邊的Lokman及谷德昭都讚他思想成熟。