陰目偵信｜黃正宜同ERROR成員有咀戲 「我都好想入場睇番」
撰文：許育民
出版：更新：
由ERROR四子梁業（肥仔）、何啟華（Dee）、郭嘉駿（193）、吳保錡（Poki）主演的電影《陰目偵信》，昨晚（9/8）在大圍圍坊舉行首映禮。而戲中三位女演員周家怡、郭思、黃正宜（阿正）都有出席。
阿正透露在戲中會跟ERROR成員有「咀」戲。（梁碧玲 攝）
其中阿正分享今次會有嘴戲，而對手更是ERROR其中一位成員︰「我都好想睇番，因為日常錫都好少有第三者角度睇到，你唔會對住塊鏡鍚。」問到邊位咁有福氣獲得阿正的螢幕初吻？阿正︰「係肥仔，不過未係螢幕初吻，因為只係借步。今次只係客串，如果戲份多少少，或者有續集再激烈少少我都唔介意。」
周家怡笑言要將電影票房跟Dee哥的前列腺掛勾。（梁碧玲 攝）
郭思以吊帶背心示人。（梁碧玲 攝）
而穿上吊帶背心出席首映的郭思，被問到如果票房大收會否有進一步福利派發？郭思就突然將個波交畀周家怡︰「其實家怡今日都著得好性感，大家留意下。」家怡就澄清自己有著背心，並非真空。
周家怡都穿出另一份性感。（梁碧玲 攝）