《醫療船》河智苑李瑞元今晚要結婚? CNBLUE姜敏赫的受難時代

撰文:
最後更新日期:

最近另一套好hit嘅韓劇《愛情的溫度》入面,徐玄振同梁世宗就相差7歲,差距叫少喇!(網上圖片)

最近嘅韓劇選角都鍾意突出年齡差距,不論係《鬼怪》(全名:《孤獨又燦爛的神─鬼怪》)、《醫療船》、《愛情的溫度》,甚至乎金恩淑作家不久之後就會搬上電視嘅又一力作《Mr. Sunshine》,男女主角李秉憲同金泰梨(又譯:金泰璃)都係有一大截年齡差距嘅對手。

姜敏赫在《醫療船》睇住李瑞元捉住河智苑隻手摸自己個頭呢一幕,已經開始嬲嬲哋!(網上圖片)

又嚟遲一步嘅CNBLUE姜敏赫!(網上截圖)

今集《醫療船》繼續係CNBLUE姜敏赫嘅受難時代,姜敏赫仲未氹得返河智苑之餘,加上河智苑媽媽死前最後一次睇嘅醫生就係姜敏赫,令到河智苑好直接咁問:「如果件事發生喺你身上,你會唔埋怨咩?」令到姜敏赫完全手足無措,無言以對!前後兩次失咗照顧河智苑嘅先機!

因為河智苑救過李瑞元媽媽,因而特登親手整窗簾同床單俾河智苑,仲好心痛佢冇咗媽媽!(網上截圖)

(觀看更多)

姜敏赫在《醫療船》面對的問題,還加上另一個年下直進男李瑞元積極對河智苑展開攻勢!除咗河智苑先後救咗李瑞元媽媽同佢前管家,對於李瑞元嚟講,河智苑更係愈睇愈有魅力嘅女人!重點係,除咗李瑞元對河智苑有好感之外,就連李瑞元嘅屋企人都好鍾意河智苑,院長爸爸仲話要即刻約河智苑食飯,想佢做埋屋企人!

李瑞元仲話今日係第一次同爸爸意見一致嘅一日,因為佢哋都想河智苑做埋佢哋屋企人!(網上截圖)

崔英恩約河智苑「講數」,但實情竟然係崔英恩好快就會離開人世,唔知姜敏赫會唔會選擇陪住前女友走埋最後一程呢?(網上截圖)

《醫療船》的四角關係還加上姜敏赫前女友崔英恩竟然約河智苑「講數」!仲好直接咁問河智苑係咪鍾意姜敏赫?點知河智苑更都好直接同好真心咁答:「係!」又話如果要喺自己嘅人生計劃入面加一個戀愛對象,嗰個人一定係姜敏赫。但之後河智苑又同崔英恩講:「你要慶幸我對愛情一啲都唔關心!」所以河智苑即使鍾意姜敏赫,但似乎礙於媽媽嘅死,對姜敏赫仍未敞開心扉!

河智苑大方應約出席李瑞元嘅家庭飯聚。(網上截圖)

(觀看更多)

而今晚《醫療船》就會講到河智苑出席李瑞元嘅家庭飯聚,預告入面李瑞元問河智苑:「你想唔想同我結婚?」個問題更係好似冇經過河智苑大腦就回答:「好啊!」攪到記者都同李瑞元一樣,即時嚇呆!唔通河智苑真係要放棄自己親口承認真心鍾意嘅姜敏赫?唔通《醫療船》劇情真係快到光速咁,今晚河智苑就決定結婚?

記者本身以為河智苑會拒絕李瑞苑,點知佢竟然好爽快咁答好!記者聽到嗰時,真係同李瑞元個樣一模一樣O晒咀!(網上截圖)

更多《醫療船》河智苑、姜敏赫、李瑞元圖片:

+17
+16
+15

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。