《醫療船》收視險勝李鍾碩《當你沉睡時》 河智苑為父親自開刀!

撰文:
最後更新日期:

SBS新劇《當你沉睡時》由李鐘碩同秀智主演。(網上圖片)

逢星期三、四有兩套好hit嘅韓劇上映緊,劇迷們一定有追啦!河智苑同CNBLUE姜敏赫嘅《醫療船》就已經播到一半,而李鍾碩同miss A秀智嘅《當你沉睡時》就啱啱開播,但已經有好多韓劇迷大讚好睇!加上題材新鮮,昨晚嗰集收視有10.9%,已逼緊11.4%嘅《醫療船》,絕對係來勢洶洶!

去咗李瑞元家庭飯聚嘅河智苑,食食吓飯都收到要趕返去急症室嘅電話。(網上截圖)

(觀看更多)

昨晚個集《醫療船》講到河智苑去咗李瑞元嘅家庭飯聚,因而知道李瑞元個院長爸爸原來想拉攏自己,成為一家人。本來李瑞元都有問河智苑:「你想唔想同我結婚?爸爸需要一個繼承醫院嘅人,而我係韓中醫就已經冇份,爸爸好似想俾間醫院你喎!」而當河智苑竟像信口開河一樣答應,反令李瑞元一針見血話:「原來你唔鍾意我!」而搞笑嘅係河智苑仲話:「知你就好好揸車啦!」睇嚟李瑞元真係冇運行,莫講話河智苑企得咁硬,另一方面就算佢明明知道自己對CNBLUE姜敏赫有好感,都一樣冇敞開心扉,果然係超級女強人!

河智苑同李瑚元講:「知你就好好揸車啦!」(網上截圖)

好彩姜敏赫及時趕到,發現河智苑爸爸暈倒地上!(網上截圖)

(觀看更多)

上集《醫療船》姜敏赫雖然失咗兩次照顧河智苑嘅先機,但就換嚟兩次照顧河智苑屋企人嘅機會!因而令河智苑個細佬好鍾意呢位「姐夫」,河智苑個爸爸更好多謝呢位救命恩人!

河智苑細佬好鍾意姜敏赫,仲認咗佢做「姐夫」!(網上截圖)

做完手術之後河智苑個爸爸就話要見姜敏赫。(網上截圖)

唔講唔得係《醫療船》塑造到河智苑係個超級女強人,簡直勁過《不懂撒嬌的女人》入面嘅Mall姐(宣萱)!因為河智苑今集做咗絕大部份醫生應該未必會做嘅事,就係親自為自己嘅親人做手術!不過咁睇,亦都有可能係因為河智苑唔想假手於人,技藝高超嘅佢要親自操刀先會放心!因為喺《醫療船》首播中,河智苑就係因為唔能夠親自救返自己媽媽,所以好後悔,亦都成為咗佢同姜敏赫之間嘅心結!

《醫療船》的超級女強人河智苑竟親自為爸爸做手術,完全冇壓力!(網上截圖)

更多《醫療船》圖片:

+21
+20
+19

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。