【宋仲基宋慧喬】兩公婆包到冚出發度蜜月 努力製造小宋宋？
撰文：黎嘉穎
出版：更新：
宋生宋太去度蜜月喇！韓國神劇《太陽的後裔》兩位主角宋仲基宋慧喬於10月31日在首爾新羅酒店幸福完婚，正式榮陞夫妻，而舉行婚禮之前，一早就有韓媒放風指宋生宋太會在婚禮完結之後就直接飛去歐洲度蜜月，不過原來宋宋夫婦今日先出發，仲有網民在韓國機場捕獲到二人。
宋仲基宋慧喬於上個月31日完婚，正式做夫婦。（網上圖片）
據知，宋宋夫婦原本真的打算在婚禮結束後就會出發度蜜月，不過二人結婚當日剛巧撞正演藝界前輩金柱赫設靈，宋仲基宋慧喬就決定延遲出發日期，昨晚宋仲基更百無禁忌完婚第二日晚就前去靈堂送別前輩，非常有心。去到今日，宋仲基宋慧喬終於出發，有網民就在韓國機場的入閘口見到二人身影，雖然宋生宋太都以大褸及帽子包到冚，急急腳走入閘，不過仍然被認出。作為新婚夫婦，二人都沒有手拖手現身，反而一前一後的行動，畫面唔太sweet喎。
有網民在韓國機場發現宋仲基宋慧喬入閘。（網上圖片）
都做了夫婦，為咩仲前後行唔拖實大家呀？（網上圖片）
【宋宋結婚圖輯】宋仲基吻宋慧喬 《Running Man》成員勁開心
+11
而宋仲基宋慧喬自從宣布要結婚，外界已經多次傳出宋太疑似有B的消息，不過宋太都堅決否認，未知二人會否趁住今次蜜月實行「造人大計」。另外，今日網上亦流出了一張宋慧喬在婚禮晚會上跟女星章子怡的錫錫合照，看得出二人friend過打band。
唔知宋生宋太會唔會兩個去三個返呢？！（網上圖片）
見到宋慧喬同章子怡錫到咁，就知二人有幾好感情。（網上圖片）
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/