《Wanna One Go 2》裴珍映笑李大輝鬧不和？　姜丹尼爾花生友上身

韓國男團Wanna One最近帶住新歌《Beautiful》comeback，喺各大音樂節目打歌，而Wannable（Wanna One粉絲）除咗可以透過《Wanna One Go 2》見到姜丹尼爾、朴志訓、李大輝、金在奐、邕聖祐、尹智聖、朴佑鎮、裴珍映、李大輝、HOTSHOT河成雲、NU'EST黃旼炫、賴冠霖呢11位大男孩之外，Mnet電視台都有上傳佢哋錄音幕後花絮。之不過，原來喺呢段花絮part 1同part 2之間，竟然講到李大輝同裴珍映呢對Wanna One孖公仔公然鬧交！究竟發生乜事呢？

事情始末Wanna One李大輝就話：「嗰時我錄緊音，珍映哥哥就上咗嚟，但我喺錄音嗰陣就走音！」呢個時候NU'EST黃旼炫即忍唔住加把口話：「當時珍映係咁笑大輝！」李大輝就繼續話：「係啊！珍映哥哥狂笑我，仲係咁周圍同職員講就走咗去，我同佢講『哥哥嘅音色係好好，俾心機努力啲，我哋都一齊做好啲啦！』點知珍映哥哥仲係要話我唱歌差！因為我哋兩個係唱同一part，其實最終係我唱得好啲囉！連黃旼炫都話：「我都覺得大輝唱得好啲！」

Wanna One出糧喇！　Wannable紐約Time Square賣廣告慶祝好豪氣

而Wanna One內訌疑雲，另一名主角裴珍映就話：「其實只係大輝自己發脾氣，因為大輝漸漸咁自以為自己唱歌好叻，咁我就提過佢錄音時我會去睇吓，所以我就去咗喇！本身佢都唱得好地地，但到突破位就走音！雖然我知咁係唔啱，但都忍唔住喺錄音途中大笑。」唔單止咁啊！裴珍映仲玩李大輝咁講：「大輝啊！我知喇，完啦好嗎？」之後就離開錄音室。不過我哋唔係鬧交，而係李大輝自己嬲豬！

不過最好笑係姜丹尼爾聽住裴珍映同李大輝喺到講返件事，竟然花生友上身：「其實我冇咩話想特別要攔住佢哋嘅心，講真睇住佢哋咁都幾有趣！」雖然姜丹尼爾講就係咁講，不過相信如果Wanna One真係有大事發生，作為哥哥嘅佢都會企出嚟幫手解決。好在今次裴珍映同李大輝只係發生小問題，姜丹尼爾先會輕鬆食花生。

《Ｗanna One》Behind Part 2

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/