【SHINee】溫流時隔4個月終公開親筆道歉信　愧疚嘅心實在係太大

4個月前SHINee隊長溫流被指喺夜店中性騷擾一名20多歲女性，當時更接受警方長達5小時嘅調查，其後雖然該名女子已經撤消控訴稱只是誤會一場，不過溫流就從電視劇《青春時代2》下車，痛失「權浩昌」一角，改由曾經參加《Produce 101》Season 2嘅李有鎮出演。

雖然溫流性騷擾女性事件已經過去4個月，但就未見有平息嘅跡象。因為較早前SM Entertainment公開嘅《SM Artist Season Greeting》宣傳片中，粉絲就見到溫流嘅出現，引起佢哋強烈不滿以及反感，除咗公開聯署要求溫流退團外，又表示會罷買有溫流在內嘅SHINee專輯、產品、還有SM新一季嘅新年禮盒，又強烈要求溫流和SM Entertainment公開道歉。

更多圖片

終於喺尋日溫流都企出嚟，喺SHINee嘅官網上公開咗自己所寫嘅親筆道歉信，時隔4個月終於都跟SHINee WORLD（SHINee粉絲名稱）表達深深的歉意以及反省。溫流嘅親筆道歉信內容大概如下「對於支持我、給予我愛的粉絲，令到你哋聽到唔好嘅消息因而失望真係好對唔住，我喺過去4個月嘅休息期間當中一直反省，好討厭我自己。唔知道應該要點去道歉，唔知道應該要啲咩詞語去表現先好，一直都好苦惱，愧疚嘅心實在係太大就連寫咩都變得好小心。雖然好遲但依家先可以上傳我嘅文字。接受到愈來愈多嘅喜愛和注目，就應該對自己嘅行動負上責任，表現出令人失望嘅樣子真係好對唔住。對於一齊走過9年嘅成員十分抱歉，因為我而嚇親嘅父母、公司各位亦同樣表示歉意。以後我會努力時常反省和嚴格地管理自己。此後不論是對外還是個人嘅事，都會謹記我是作為SHINee嘅其中一名成員，盡最大努力做好。」

【SHINee】溫流確定從《青春時代2》下車　接替人選仍在商議中

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/